އިތުރު ވަގުތުގައި ލަނޑުތައް ފެނުނު މެޗުގެ 101 ވަނަ މިނެޓުގައި ގްރިޒްމަން ޖެހި ލަނޑުން މޮޅުވެ, އެތްލެޓިކޯ މެޑްރިޑުން ޗެމްޕިއަންސްލީގު މޮޅަކުން ފަށައިފިއެވެ.
2-1 ން އެތްލެޓިކޯ މެޑްރިޑުން ކާމިޔާބުކުރި ފުޓުބޯޅަ މެޗުގައި 3 ލަނޑުވެސް ޖެހީ އިތުރު ވަގުތުގައެވެ. އޭގެ ކުރިން 81 ވަނަ މިނެޓުގައި ޕޯޓޯގެ ޓަރެމީއަށް ދެވަނަ ރީދޫ ކާޑާއެކު ވަނީ ރަތްކާޑް ދައްކާފައެވެ. މެޗުގައި އެތްލެޓިކޯއިން ލީޑް ނެގީ އިތުރު ވަގުތުގެ ދެވަނަ މިނެޓުގައި ހާމޯސޯ ޖެހި ލަނޑުނެވެ. އެކަމަކު އިތުރު ވަގުތުގެ ހަވަނަ މިނެޓުގައި ލަނޑު ޖަހާ ޕޯޓޯއިން ނަތީޖާ ހަމަހަމަކުރިއެވެ. ގްރިޒްމަން މޮޅު ހޯދައިދިނީ އިތުރު ވަގުތުގެ 11 ވަނަ މިނެޓުގައެވެ. އޭރެ މެޗު ނިމެން އޮތީ 14 ސިކުންތެވެ. މިއީ ޗެމްޕިއަންސްލީގުގެ ތާރީޚުގައިވެސް 90 ވަނަ މިނެޓުގެ ފަހުން ތިން ގޯލް ޖެހި ފުރަތަމަ މެޗެވެ.
މިގްރޫޕްގައި ކްލަބް ބުރޫޖްސް ވަނީ 1-0 ން ބަޔަ ލެވަކޫސަން ބަލިކޮށްފައެވެ.
