ކ. މާލެ
|
17 ޖޫން 2017 | ހޮނިހިރު 03:24
 މޯލްޑިވްސް އިންލޭންޑް ރެވެނިއު އޮތޯރިޓީ
މޯލްޑިވްސް އިންލޭންޑް ރެވެނިއު އޮތޯރިޓީ
ގޫގުލް
މޯލްޑިވްސް އިންލަންޑް ރެވެނިއު
ބީޕީޓީ ބަޔާން ހުށައެޅުމުގެ މުއްދަތު މީރާއިން އިތުރުކޮށްފި
 
ޖުލައި 16ގެ ކުރިން ބީޕީޓީ ބަޔާން ހުށައަޅައި ނިންމަންޖެހޭ

ވިޔަފާރީގެ ފައިދާއިން ޓެކްސް ނެގުމުގެ ގާނޫނުގެ ދަށުން ހުށައަޅަން ޖެހޭ މިދިޔަ އަހަރުގެ ބީޕީޓީ ބަޔާން ހުށައެޅުމުގެ މުއްދަތު ދައުލަތުގެ ޓެކްސް އިދާރާ މޯލްޑިވްސް އިންލޭންޑް ރެވެނިއު އޮތޯރިޓީ (މީރާ) އިން އިތުރުކޮށްފި އެވެ.

 

މީރާއިން ބުނީ އެ ގޮތަށް ހަމަޖެއްސީ މިއަހަރުގެ ބީޕީޓީ ބަޔާން ހުށައަޅާ ސުންގަޑި އަންނަނީ ފިތުރު އީދު ބަންދާ ގުޅިގެން ކަމަށް ވާތީ, ޓެކްސް ބަޔާނާއި މާލީ ހިސާބުތައް ތައްޔާރުކުރުމާއި އޮޑިޓްކޮށް ނިންމުމަށް އިތުރު ވަގުތު ދިނުމުގެ ގޮތުން ކަމަށެވެ.

 

އެ އޮތޯރިޓީން ވަނީ ބީޕީޓީ ބަޔާން ހުށައަޅަން ޖެހޭ ހުރިހާ ފަރާތްތަކުން އެ ފުރުސަތުގެ ބޭނުންކޮށްގެން ޖުލައި 16ގެ ކުރިން ބީޕީޓީ ބަޔާން ހުށައަޅައި ނިންމުމަށް އިލްތިމާސް ކޮށްފަ އެވެ.

 

މިރާއިން ބުނީ މިދިޔަ އަހަރުގެ ބީޕީޓީ ބަޔާން ހުށަހެޅުމުގެ ސުންގަޑީގެ އިތުރުން ޖުލައި މަހުގެ ތެރޭގައި މި އަހަރުގެ ބީޕީޓީގެ ފުރަތަމަ އިންޓަރިމް ޕޭމަންޓް ދެއްކުމުގެ ސުންގަޑި ވެސް އަންނަ ކަމަށާއި އެއީ 31 ޖުލައި 2017 ކަމަށް ވެސް އެ އޮތޯރިޓީން ބުންޏެވެ.

 

މިދިޔަ އަހަރުގެ ބީޕީޓީ ބަޔާން ހުށައެޅުމުގެ ސުންގަޑި 16 ޖުލައި އަށް ފަސްކުރި ކަމުގައި ވިޔަސް 2017 ވަނަ އަހަރުގެ މޭ މަހުގެ ޖީއެސްޓީ ބަޔާން ހުށައެޅުމުގެ ސުންގަޑިއަކީ ޖުލައި 2 ކަމަށް މީރާއިން ފާހަގަކުރެއެވެ.

 

މީގެ އިތުރުން ދިވެހިރާއްޖޭގެ ކުންފުންޏާބެހޭ ގާނޫނުގެ ބޭނުމަށް ކުންފުނިތަކުން 2016 ވަނަ އަހަރުގެ އަހަރީ ހިސާބުތަކާއި ޑިރެކްޓަރުންގެ ރިޕޯޓާއި އޮޑިޓަރުގެ ރިޕޯޓް ހުށައަޅަން ޖެހޭ ސުންގަޑި ވެސް އަންނަ މަހުގެ 16 އަށް އިތުރުކޮށްފައިވާ ކަމަށް މީރާ އިން ބުނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް