ޓެކްސް ނުދައްކާ 113 ފަރާތެއްގެ މަޢުލޫމާތު މީރާއިން ޢާއްމުކޮށްފި
މާލެ ސަރަޙައްދުން، މާލެ، ވިލިމާލެ އަދި ހުޅުމާލޭގައި ވިޔަފާރިކުރާ، 108 ގެ ނަން މީރާއިން ވަނީ އާއްމުކޮށްފައި
.މީރާއިން ހާމަކުރިގޮތުގައި އެފަރާތްތަކުގެ މަޢުލޫމާތު ޢާއްމުކުރީ ޖީއެސްޓީ ނުދައްކާ ފަރާތްތަކުގެ ނަން ހާމަކުރުމުގެ އުޞޫލުގެ ދަށުން
މިއަހަރުގެ ފުރަތަމަ 3 މަސްދުވަހު ޖީއެސްޓީ ބަޔާން ހުށަނާޅާ އަދި ޓެކްސް ނުދައްކާ 113 ފަރާތެއްގެ މަޢުލޫމާތު މޯލްޑިވްސް އިންލަންޑް ރެވެނިއު އޮތޯރިޓީ، މީރާއިން ޢާއްމުކޮށްފިއެވެ.
.މީރާއިން ހާމަކުރިގޮތުގައި އެފަރާތްތަކުގެ މަޢުލޫމާތު ޢާއްމުކުރީ ޖީއެސްޓީ ނުދައްކާ ފަރާތްތަކުގެ ނަން ހާމަކުރުމުގެ އުޞޫލުގެ ދަށުންނެވެ. މީރާއިން ޢާއްމު ކޮށްފައިވާ މިލިސްޓުގައި މާލެ ސަރަޙައްދުގައި ވިޔަފާރިކުރާ ފަރާތްތަކާއި ޓޫރިޒަމް ދާއިރާގައި ވިޔަފާރިކުރާ ފަރާތްތައްވެސް ހިމެނެއެވެ
މާލެ ސަރަޙައްދުން، މާލެ، ވިލިމާލެ އަދި ހުޅުމާލޭގައި ވިޔަފާރިކުރާ، 108 ފަރާތެއް މިލިސްޓުގައި ހިމެނެއެވެ. އަދި ޓޫރިޒަމް ދާއިރާގައި ވިޔަފާރިކުރާ 5 ފަރާތެއް ހިމެނެއެވެ
މީރާއިންބުނީ، މި ފަރާތްތަކުގެ ތެރެއިން އެއްވެސް ފަރާތަކުން ޖީއެސްޓީ ބަޔާން ހުށަހަޅައިފިނަމަ ނުވަތަ ފައިސާ ދައްކައިފިނަމަ އެފަރާތެއްގެ ނަން، ކަނޑައެޅިފައިވާ އުޞޫލުން ލިސްޓުން އުނިކުރާނެކަމަށެވެ
