ޑޫސާން ލައްކަ ޕްރޮމޯޝަންގެ މުއްދަތު އިތުރުކޮށްފި
400 އަށް ވުރެ ގިނަ އޮޑީގައި ބޭނުން ކުރަމުން އަންނަ ބްރޭންޑެއް
ޑުސާން ލައްކަ ޕްރޮމޯޝަން
"ޑޫސާން ލައްކަ ޕްރޮމޯޝަން" ނަމުގައި ވީއޭއެމްކޯއިން ކުރިޔަށް ގެންދަމުންދާ ޚާއްޞަ ޕްރޮމޯޝަންގެ މުއްދަތު އިތުރުކޮށްފިއެވެ.
ވީއޭއެމްކޯއިން ބުނީ މިގޮތަށް ނިންމީ ވަރަށް ގިނަ ކަސްޓަމަރުންގެ އެދުމުގެ މަތިން ކަމަށާއި 31 އޯގަސްޓް 2017 ގެ ނިޔަލަށް މުއްދަތު އިތުރުކޮށްފައިވާ ކަމަށެވެ.
މި ޕްރޮމޯޝަންގެ ދަށުން ބައްލަވައިގަންނަވާ ކޮންމެ ޑޫސާން ޑައިވޫ އިންޖީނަކާއެކު އެއްލައްކަ ރުފިޔާއާ ދެލައްކަ ރުފިޔާއާ ދެމެދުގެ ސާމާނު މުޅިން ހިލޭ ލިބޭނެ ކަމަށް އެކުންފުނިން ބުންޏެވެ.
އަދި ހިލޭ ލިބޭތަކެތީގެ ތެރޭގައި ހުންގާނު ސިސްޓަމް، ޖީޕީއެސް އާއެކު ފިޝް ފައިންޑަރ، ނެވިގޭޝަން ލައިޓް، އޮޓޯ ސްވިޗް، ބިލްޖް ޕަންޕު، ޒިންކް އެނޯޑް، ދުރުމި، އަޑީތެޔޮ، ގިޔަރު ތެޔޮ އަދި ކޫލަންޓްގެ އިތުރުންވެސް ވަރަށް ގިނަ ތަކެތި ހިމެނެއެވެ.
ޑޫސާން ޑައިވޫ މެރިން އިންޖީނަކީ ރާއްޖޭގެ 400 އަށްވުރެ ގިނަ އޮޑީގައި ބޭނުންކުރަމުން އަންނަ އިތުބާރު ލިބިފައިވާ ބްރޭންޑެކެވެ.
އެންމެ ފަހުން ބޭއްވި 2 މޯލްޑިވްސް ބޯޓިންގ އެވޯޑުގައިވެސް އެންމެ މަޤުބޫލު މެރިން އިންޖީނުގެ އެވޯޑު ލިބިފައިވަނީ ޑޫސާން ޑައިވޫ އިންޖީނަށެވެ.
މި އިންޖީނަކީ ގިނަ ދުވަހަށް ގެންގުޅެވޭ، އަގުހެޔޮ، ތެޔޮ ޚަރަދު ކުޑަ އިންޖީނެކެވެ. އަދި ދުވެލި ބާރު، އަޑުމަޑު، ވައިބްރޭޝަން ކުޑަ އިންޖީނެކެވެ.
160 ހޯސްޕަވަރުން ފެށިގެން 1200 ހޯސްޕަވަރާ ދެމެދުގެ ލައިޓް، މީޑިއަމް އަދި ހެވީ ޑިއުޓީ ޑޫސާން ޑައިވޫ އިންޖީނު ވީއޭއެމްކޯއިން ލިބިވަޑައިގަންނަވާނެއެވެ.
އަދި ވީއޭއެމްކޯގެ ސަރވިސް ސެންޓަރުންނާއި ރާއްޖޭގެ ކޮންމެ ހިސާބަކުން ވެސް އިންޖީނު މަރާމާތުކޮށް ސަރވިސްކުރުމުގެ ޚިދުމަތް ލިބިވަޑައިގަންނަވާނެއެވެ. ޑޫސާން ޑައިވޫގެ ރާއްޖޭގެ ސޯލް ޑިސްޓްރިބިއުޓަރަކީ ވީއޭއެމްކޯއެވެ.
