މާޒިޔާ ސެމީ ފައިނަލް އަށް، ޔޫވީއަށް ސީޒަން ނިމިއްޖެ

3-1 ން ޔުނައިޓެޑް ވިކްޓްރީ ބަލިކޮށް, އެފްއޭކަޕް ސެމީ ފައިނަލުން މާޒިޔާ ޖާގަ ހޯދައިފިއެވެ.

މެޗުގެ 16 ވަނަ މިނިޓްގައި މާޒިޔާއިން ލީޑް ނެގީ އަކްރަމް އަބުދުލްޣަނީ ބޮލުން ގޯލަށް ފޮނުވާލި ބޯޅައިންނެވެ. އެލަނޑަށް ފަހު ދެ މިނިޓްގެ ތެރޭގައި ޔުނައިޓެޑް ވިކްޓްރީ އިން ނަތީޖާ ހަމަހަމަކުރިއެވެ. ނަތީޖާ ހަމަހަމަކޮށްދިނީ އަހުމަދު ބައްސާމް މުޙައްމަދު ނައީމްއެވެ. މާޒިޔާއިން ދެވަނަ ފަހަރަށް ކުރި ހޯދީ ދެވަނަ ހާފްގައި ނާއިޒު ހަސަން (ދާދު) ޖެހި ލަނޑުންނެވެ. ތިންވަނަ ލަނޑު ޖެހީ 82 ވަނަ މިނިޓްގައި ހަމްޒާ މުޙައްމަދު (ހަމްޕު) އެވެ.

ސެމީ ފައިނަލްގައި މާޒިޔާ ވާދަކުރަން ޖެހޭނީ ހޮނިހިރު ދުވަހު ހަވީރު ޓީސީ ސްޕޯރޓްސް ކްލަބާ ކްލަބް އާއި ގްރީން ސްޓްރީޓްސް ވާދަކޮށް ކުރި ހޯދާ ޓީމަކާއެވެ. މާޒިޔާ ވަނީ މީގެކުރިން ދެފަހަރެއްގެ މަތިން މުބާރާތް ކާމިޔާބުކޮށްފައެވެ. މިދިޔަ ތިން ސީޒަންގައި ލީގު ޗެމްޕިއަން ޓީމަކީވެސް މާޒިޔާއެވެ.