އިންޑިއާގެ އައު ރައީސްގެ މަގާމަށް ގަބީލާއަކަށް ނިސްބަތްވެވަޑައިގަންނަވާ ބޭކަނބަލެއްކަމަށްވާ ދްރޫޕަދީ މުރުމޫ އިންތިޚާބުވެވަޑައިގެންފިއެވެ.

ދްރޫޕަދީ މުރުމޫއަކީ އިންޑިއާގެ ރައީސްގެ މަގާމަށް އިންތިޚާބުވެވަޑައިގެންނެވި ގަބީލާއަކަށް ނިސްބަތްވެވަޑައިގަންނަވާ ފުރަތަމަ ރައީސެވެ. އަދި އެގައުމުގެ ރައީސްގެ މަގާމަށް ވަޑައިގެންނެވި ދެވަނަ އަންހެން ބޭކަނބަލެވެ.

64 އަހަރުގެ ދްރޫޕަދީ މުރުމޫ އިންޑިއާގެ ރައީސްގެ މަގާމަށް އިންތިޚާބުކުރައްވާފައިވަނީ ބުރާސްފަތި ދުވަހު ނެގުނު ވޯޓަކުންނެވެ. ޖުމްލަ 20 ބޭފުޅުންގެ ތެރެއިން މުރުމޫ ހޮވިވަޑައިގެންފައިވާއިރު، މުރުމޫއަކީ ވެރިކަން ކުރާ ޕާޓީ ބީޖޭޕީގެ ކެންޑިޑޭޓެކެވެ. އޮޑިއްސާ ސްޓޭޓުގެ ކުރީގެ މުދައްރިސަކަށް އުޅުއްވި މުރުމޫ ވަނީ ކުރިން ސްޓޭޓް ގަވަރުނަރުކަން ކުރައްވާފައެވެ.

މިވަގުތު އިންޑިއާގެ ރައީސްގެ މަގާމުގައި ހުންނެވި ރާމް ނަތް ކޮވިންދްގެ ދައުރު މި މަހު 24 ގައި ހަމަވާނެއެވެ. އެއާއެކު މުރުމޫ ރަސްމީކޮށް ރައީސްގެ މަގާމާ ހަވާލުވެވަޑައިގަންނަވާނެއެވެ.