ހާލަތު ބަދަލުކުރަން ބޭނުންވަނީ މޮޅެއްކަމަށް ދަ ގްރާންޑޭގެ ކޯޗު އަހުމަދު ނާޝިދު (ނާދު) ބުނެފިއެވެ.
މޮޅެއް ނުލިބި ދިވެހި ޕްރިމިއަރ ލީގު ތާވަލްގެ ފުލުގައި އޮތް ޓީމްގެ ކޯޗު ބުނީ ޓީމްގެ ކުޅުމުގައި މައްސަލައެއް ނެތްކަމަަށެވެ. އަދި ފުރުޞަތުތައްވެސް ތަނަވަސްކުރާ ކަމަށާއި, އެކަމަކު މައްސަލަ ދިމާވަނީ ނިންމާލުމުގައިކަމަށެވެ. އެންމެ ފަހުން ޔުނައިޓެޑް ވިކްޓްރީ އަތުން ބަލިވި މެޗަށް އިޝާރާތްކޮށް ނާދު ބުނީ އެމެޗުގައިވެސް ރަނގަޅަށް ކުޅެ ގިނަ ފުރުޞަތުތައްކެއް ހޯދިނަމަވެސް ނިންމާނުލެވުނު ކަމަށެވެ. މޮޅެއް ނުލިބިދާތީ ކުޅުންތެރިންގެ ރޫހަށްވެސް އަސަރުކުރާކަން ނާދު ފާހަގަކުރިއެވެ.
ކުޅުމާ ދޭތެރޭ ހަމަ ވަރަށް ހިތްހަމަޖެހޭ. ފުރުޞަތުތައްވެސް އެބަހޯދާ. މޮޅެއް ނުލިބިގެން މިއުޅެނީ. އިރާދަކުރެއްވިއްޔާ ބާކީ މިއޮތް ހަތަރު މެޗުން އެކަން ވޭތޯ މިއުޅެނީއަހުމަދު ނާޝިދު/ ދަ ގްރާންޑޭގެ ކޯޗު
ދަ ގްރާންޑޭ ތާވަލްގެ ފުލުގައި އޮތީ ފުރަތަމަ ބުރުން ލިބުނު އެއް ޕޮއިންޓާއެކުއެވެ. އަންނަ ސީޒަންގައި ފުރަތަމަ ޑިވިޝަންގައި ދެމިއޮތުމަށް ކޮލިފިކޭޝަން ކުޅެން ޖެހޭނެކަން އެޓީމަށް ވަނީ ޔަޤީންވެފައެވެ. ކޮލިފިކޭޝަނަށް ދާއިރުވެސް މޮޅެއް ނުލިބި ލީގު ނިންމާލަން ޖެހިއްޖެނަމަ އެކަމުގެ އަސަރު ޓީމަށް ކުރާނެކަން ނާދު ފާހަގަކުރިއެވެ. ދަ ގްރާންޑޭ އަކީ މިހާރު މާފުއްޓަށް ނިސްބަތްވާ, އެރަށުގައި ޕްރެކްޓިސްކޮށްގެން މެޗަށް އަންނަ ޓީމެކެވެ.
