ދެވަނަ ޑިވިޝަންގައި ޖެހިލުންވާވަރުގެ ޓީމެއް ނެތް، ދަ ގްރާންޑޭ ފުރަތަމަ ޑިވިޝަންގައި އޮންނާނެ- ނާދު

ދެވަނަ ޑިވިޝަންގައި މިހާރު ވާދަކުރަމުންދާ ޓީމްތަކުގެ ތެރޭގައި ޖެހިލުންވާވަރުގެ ޓީމެއް ނެތްކަމަށާއި, ދަ ގްރާންޑޭ ފުރަތަމަ ޑިވިޝަންގައި އޮންނާނެކަމަށް އެޓީމްގެ ކޯޗު އަހުމަދު ނާޝިދު (ނާދު) ބުނެފިއެވެ.

ދިވެހި ޕްރިމިއަރ ލީގު ތާވަލްގެ ފުލަށްދިޔަ ޓީމްގެ ކޯޗު ބުނީ އޭނާ ދެވަނަ ޑިވިޝަންގެ މެޗުތައް ބަލައިފި ކަމަށާއި, ދަ ގްރާންޑޭ ކުޅެމުން އަންނަ ލެވެލްގައި ކުޅެފިނަމަ ފުރަތަމަ ޑިވިޝަންގައި ޓީމް ބާއްވަން އެއްވެސް ކަމެއް ނޫންކަމަށެވެ.

ނާދު ބުނީ ދެވަނަ ޑިވިޝަނުން ފުރަތަމަ ޑިވިޝަނަށް ޓީމަކަށް އާދެވޭނީ ރަނގަޅު ޓީމެއް އެކުލަވާލައިގެންކަމަށެވެ. ޓީމެއް އެކުލަވާލާ ރަނގަޅަށް ތައްޔާރުވެގެން ނޫނީ ފުރަތަމަ ޑިވިޝަނަށް ނޭރޭނެކަމަށާއި, މިހާރު ދެވަނަ ޑިވިޝަންގައި ވާދަކުރާ ޓީމްތަކުގެ ތެރޭގައި ޖެހިލުންވާވަރުގެ ޓީމެއް ނެތްކަމަށެވެ.

ދަ ގްރާންޑޭއަށް ދިވެހި ޕްރިމިއަރ ލީގުގެ 21 މެޗުން ހޯދުނީ ފަސް ޕޮއިންޓެވެ. މޮޅުވީ ލީގުގައި ކުޅުނު ފަހު މެޗުގައި ސަސް އަތުންނެވެ.