ކޮލިން ޑަގްބާ ޕީއެސްޖީގެ ކޮންޓްރެކްޓު އައުކޮށްފި

ޕެރިސް ސެއިންޓް ޖާމަން (ޕީއެސްޖީ)އަށް ކުޅެމުން އަންނަ ފްރާންސްގެ ކޮލިން ޑަގްބާ ކުލަބުގައި މަޑުކުރަން ނިންމައި ކޮންޓްރެކްޓު އައުކޮށްފިއެވެ.

ޑަގްބާ ޕީއެސްޖީއަށް ބަދަލުވީ 2018 ވަނަ އަހަރުއެވެ. ހަތަރު އަހަރު ދުވަހުގެ އެއްބަސްވުމެއްގެ ދަށުން އޭނާ ޕީއެސްޖީއަށް ބަދަލުވިއިރު، ނިމުނު ސީޒަނުގެ ނިޔަލަށް އޭނާގެ އެއްބަސްވުމުގެ މުއްދަތު ވަނީ ހަމަވެފައެވެ.

ޑަގްބާ ވަނީ ޕީއެސްޖީއާއެކު އިތުރު ތިން އަހަރު ދުވަހަށް އެއްބަސްވުން އައުކޮށްފައެވެ. މިހާރު އޭނާ އައުކުރި އެއްބަސްވުމުގެ މުއްދަތު ހަމަވާނީ 2025 ވަނަ އަހަރުގެ ޖޫން މަހުގެ ނިޔަލަށެވެ. ޑޮގްބާ ވަނީ އޭނާ ޕީއެސްޖީއަށް މިހާތަނަށް ކުޅެދިން 55 މެޗުގައި އެއް ލަނޑު ޖަހާފައެވެ. 2018 ވަނަ އަހަރު އޭނާ ޕީއެސްޖީއާ ގުޅުނީ ހަތަރު އަހަރު ދުވަހުގެ އެއްބަސްވުމެއްގެ ދަށުންނެވެ.

ޑަގްބާ ވަނީ ލޯނު އެއްބަސްވުމެއްްގެ ދަށުން ސްޓްރަސްބާގްއަށް ކުޅެން ނިންމާފައެވެ. ޕީއެސްޖީއާއެކު އޭނާ ވަނީ ފްރާންސް ލީގާއި، ފްރާންސް ކަޕާއި، ފްރާންސް ލީގު ކަޕާއި، ޓްރޮފީ ޑީ ޗެމްޕިއަންސް ކާމިޔާބުކޮށްފައެވެ. މީގެ އިތުރުން އޭނާ ވަނީ ޕީއެސްޖީއާއެކު 20-2019 ވަނަ އަހަރުގެ ޔުއެފާ ޗެމްޕިއަންސް ލީގުގެ ރަނަރަޕް ކަން ވެސް ހޯދާފައެވެ.