"ފިރިމީހާ މަރާނީ ކިހިނެއް؟" މި ސުރުޚީއަށް މަޒުމޫނު ލިޔުނު މީހާ އޭނާގެ ފިރިމީހާ މަރާލައިފި
ނޭންސީގެ މައްޗަށް ކުށްސާބިތުވެ، އުމުރު ދުވަހަށް ޖަލަށްލާން ހުކުމްކޮށްފައިވޭ
ނޭންސީ ކްރެމްޕްޓޮން ބްރޮފީ
"ފިރިމީހާ މަރާނީ ކިހިނެއް؟" މި ސުރުޚީއަށް މަޒުމޫނު ލިޔުނު މީހާ އޭނާގެ ފިރިމީހާ މަރާލައިފިއެވެ.
އުމުރުން 71 އަހަރުގެ ލިޔުންތެރިޔާ ނޭންސީ ކްރެމްޕްޓޮން ބްރޮފީ ވަނީ ދެވަނަ ދަރަޖައިގައި މީހަކު މަރާލުމުގެ ކުށް ސާބިތުވެ، އުމުރު ދުވަހަށް ޖަލަށްލާން ހުކުމްކޮށްފައެވެ.
އޭނާގެ މައްސަލައިގެ ޝަރީއަތުގެ މަރުހަލާ ހަތް ހަފުތާއަށް ޕޮލޭންޑްގެ އޮރެގޮންގައި ވަނީ ކުރިއަށް ގެންގޮސްފައެވެ. ޕްރޮސެކިއުޓަރުން ބުނެފައިވަނީ، ނޭސްނީ އޭނާގެ ފިިރިމީހާ (އުމުރުން 63) އަހަރުގެ ޑެނިއަލް ބްރޮފީއަށް ބަޑިން ހަމަލާދީ މަރާލާފައިވަނީ އޭނަގެ ލައިފް އިންޝުއަރެންސުން މާލީ މަންފާ ހޯދުމަށްކަމަށެވެ.
މި މައްސަލައަށް މުޅި ދުނިޔޭގެ ސަމާލުކަން ހުއްޓުނީ އޭނާ ލިޔުނު މަޒުމޫނުގެ ސަބަބުންނެވެ. އެހެންނަމަވެސް ކޯޓު މަރުހަލާގައި އޭނާއާ ދެކޮޅަށް މި މަޒުމޫނު ހުށަހެޅުމުން ވަނީ ބަލައިނުގެންފައެވެ.
ޕްރޮސެކިއުޓަރުން ވަނީ އެދެމަފިރިންނަށް 2018 ވަނަ އަހަރު މާލީ ދަތިތަކާ ކުރިމަތިވަމުން ދިޔަކަންވެސް ފާހަގަކޮށްފައެވެ. އެ އަހަރަކީ ނޭންސީ އޭނާގެ ފިރިމީހާ މަރާލި އަހަރެވެ.
