23 އަހަރަށްފަހު ނޮޓިންހަމް ފޮރެސްޓް ޕްރިމިއަރ ލީގަށް
ފުލަމްއާއި ބޯންމައުތްވެސް ޕްރޮމޯޓްވި
ނޮޓިންހަމް ފޮރެސްޓުން ޕްރިމިއަރ ލީގަށް ޕްރޮމޯޓްވެ، އުފާފާޅުކުރަނީ: ފޮޓޯ-ނޮޓިންހަމް ފޮރެސްޓް
23 އަހަރަށްފަހު ނޮޓިންހަމް ފޮރެސްޓް އިނގިރޭސި ޕްރިމިއަރ ލީގަށް ކޮލިފައިވެއްޖެއެވެ. އަންނަ ސީޒަންގެ ޕްރިމިއަރ ލީގުން ނޮޓިންހަމް ފޮރެސްޓް ޖާގަ ހޯދީ ޗެމްޕިއަންޝިޕް ޕްލޭއޮފް ފައިނަލްގައި 1-0 ން ހަޑާސްފީލްޑް ޓައުން ބަލިކޮށްގެންނެވެ.
މެޗުން ނޮޓިންހަމް ފޮރެސްޓް މޮޅުވީ ޙަޑާސްފީލްޑް ޓައުންގެ ކޮލްވިލް އަތުން ބައިކޮޅަށް ވަން ލަނޑުން މޮޅުވެގެންނެވެ. މިމޮޅާއެކު އަންނަ ސީޒަންގެ ޕްރިމިއަރ ލީގުން ނޮޓިންހަމް ފޮރެސްޓަށް ޖާގަ ޔަޤީންވީއެވެ. މިއީ އެޓީމުން މިދިޔަ 23 އަހަރު ކުރި އުއްމީދެވެ. ޗެމްޕިއަންސްޝިޕް ޕްލޭއޮފް ފައިނަލް މެޗަކީ އެންމެ އަގުބޮޑު މެޗެވެ. މިމެޗުގެ އަގަކީ ގާތްގަނޑަކަށް 170 މިލިއަން ޕައުންޑެވެ.
ނޮޓިންހަމްގެ އިތުރުން ޕްރިމިއަރ ލީގަށް ކޮލިފައިވީ ފުލަމްއާއި ބޯންމައުތްއެވެ. ޕްރިމިއަރ ލީގުން ރެލިގޭޓްވީ ބާންލީއާއި, ނޮރިޗް ސިޓީއާއި ވަޓްފޯޑެވެ.
