މެލޭޝިޔާއާއި ސިންގަޕޫރުން ރާއްޖެއަށް ސީދާ ކާގޯ ދަތުރުތައް ބާއްވަނީ
25 މެއި 2022 | ބުދަ 15:34މި ދަތުރުތައް ޖުލައި މަހު ފެށޭނެ
އެމްއެސްއެސް ގެލީނާ
މެލޭޝިޔުާއާއި ސިންގަޕޫރުން ރާއްޖެއަށް ސީދާ ކާގޯ ދަތުރުތައް ބާއްވަން މޯލްޑިވްސް ސްޓޭޓް ޝިޕިން (އެމްއެސްއެސް)އިން ނިންމައިފިއެވެ.
އެމްއެސްއެސްއިން ބުނީ އެކުންފުނީގެ ޚިދުމަތްތައް ފުޅާކުރުމަށް ކުރާ މަސައްކަތުގެ ތެރެއިން, މި ދެ ގައުމާ ރާއްޖެއާ ދެމެދު ސީދާ ކާގޯ ދަތުރުތައް ޖުލައި މަހުން ފެށިގެން ކުރިއަށްދާނެ ކަމަށެވެ. މި ޚިދުމަތް ފެށިގެންދާނީ އެމްއެސްއެސްގެ ޕްލީޓަށް އިތުރުކުރެވިގެންދާ ކާގޯ އުފުލާ އުޅަނދާއެކު ކަމަށް އެކުންފުނިން ބުނެފައިވެއެވެ.
އެމްއެސްއެސްއިން ބުނީ އެކުންފުނީގެ ޚިދުމަތްތައް ފުޅާކުރުމަށް ކުރަމުންދާ މަސައްކަތުގެ ތެރެއިން، ކުރިއަށް އޮތް ތަނުގައި މެދުއިރުމަތީގެ ގައުމުތަކުން ސީދާ ކާގޯ ދަތުރުތައް ބާއްވަން ނިންމާފައިވާކަމަށެވެ.
އެމްއެސްއެސްގެ ޚިދުމަތް ފަށަައިގަތީ އުޅަނދެއް ކުއްޔަށް ނަގައިގެންނެވެ. އެއަށްފަހު 2021 ވަނަ އަހަރުގެ ނޮވެމްބަރު މަހު އެމްއެސްއެސްއިން ވަނީ ކުންފުނީގެ އަމިއްލަ އުޅަނދު "އެމްސްއެސް ގެލީނާ" އާއެކު ކާރގޯ ޚިދުމަތް ފަށާފައެވެ.
މޯލްޑިވްސް ސްޓޭޓް ޝިޕިންގ ކޮމްޕެނީ ޕްރައިވެޓް ލިމިޓެޑަކީ ސްޓޭޓް ޓްރޭޑިންގ އޯގަނައިޒޭޝަން ޕލކ.ގެ 99.99 އިންސައްތަ، އަދި ފިއުލް ސަޕްލައިސް މޯލްޑިވްސް ޕްރައިވެޓް ލިމިޓެޑުގެ 0.01 އިންސައްތަ ހިއްސާ ހިމެނޭ ކުންފުންޏެކެވެ.
