ކ. މާލެ
|
12 އޭޕްރިލް 2017 | ބުދަ 14:39
ޑީޕް ފްލައިޓް ސަބްމެރިންއެއް
ޑީޕް ފްލައިޓް ސަބްމެރިންއެއް
ގޫގުލް
ޑީޕް ސަބްމެރިން
ތިން މީހުންނާއި އެކު އަޑިއަށްދެވޭ ސަބްމެރިންއެއް ރާއްޖެއަށް ތަޢާރަފްކުރަނީ
 
މިސަބްމެރިންގެ ހިދުމަތް ދޭނީ ރިސޯޓްތަކުގައި

މޫދުގެ ރީތި ކަމަށް ލޯބިކުރާ ފަރާތްތަކަށް މޫދުގެ އަޑި ބަލާލުމަށް އިތުތރު ފުރުޞަތެއް ހޯދައިދިނުމުގެ ގޮތުން ދުނިޔޭގައި ހަދާފައިވާ ފުރަތަމަ ޑީޕް ފްލައިޓް ސަބްމެރިންގެ ހިދުމަތް ރާއްޖޭގައި ފަށަން ނިންމައިފި އެވެ.

 

މިސަބްމެރިންއަކީ ތިން މީހުންނާ އެކު އަޑިއަށް ދެވޭ ގޮތަށް ފަރުމާކޮށްފައިވާ ސަބްމެރިން އެކެވެ.

 

ރާއްޖޭގައި ވޯޓަރ ސްޕޯޓްސްގެ ހިދުމަތްދޭ އޯޝަން ގުރޫޕުން ބުނި ގޮތުގައި ޑީޕް ފްލައިޓް ސަބްމެރިން ގުޅިގެން "3އެސް ސަބްމެރިން" ރާއްޖެއަށް ތަޢާރަފްކުރާނީ މިއަހަރުގެ ފަހުކޮޅުއެވެ. އެގޮތުން މިހިދުމަތް ފުރަތަމަ ދޭނީ ރިސޯޓްތަކަށް ކަމަށް ވެސް އޯޝަން ގުރޫޕުން ބުންޏެވެ. މޫދުގެ ރީތިކަން ބަލާލުމަށް މިހާރު ކުރިއަށްދާ ކަންތައްތަކުގެ ތެރޭގައި ސްކޫބާ ޑައިވިން އާއި ސްނޯކްލިން ހިމެނެއެވެ.

 

ހަމަ އެކަނި ތިން މީހުންނަށް އަޑިއަށް ދެވޭ ގޮތަށް ފަރުމާކޮށްފައިވާ މި ސަބްމެރިންގައި ޕައިލޮޓަކާއި ދެ ޓޫރިސްޓުން ގޮވައިގެން އަޑިއަށް ދެވެއެވެ. އަދި މިއީ ދުނިޔޭގައި ވެސް އުފައްދާފައިވާ މިފަދަ ފުރަތަމަ ސަމްބެރިން އެވެ.

 

ދި ޖަކާޓާ ޕޯސްޓަށް ދިން އިންޓަރވިއުއެއްގައި އޯޝަން ގްރޫޕުގެ ފައުންޑާ އަދި މެނޭޖިން ޑިރެކްޓަރު ހުސެއިން ޒާހިދު ވިދާޅުވީ މިހިދުމަތުގެ ސަބަބުން ޓުއަރިޒަމް ދާއިރާ އިތުރަށް ތަރައްޤީވެ ފުޅާ ވެގެންދާނެ ކަމަށާއި މިއީ މި އިންޑަސްޓްރީއަށް ވެސް މުޅިން އާ ހިދުމަތެއް ކަމުން ފަތުރުވެރިން ވަރަށް ގަޔާވާނެ ކަމަކަށް މިހިދުމަތް ވެގެންދާނެ ކަމަށެވެ.  މި ހިދުމަތް ދޭނީ ރާއްޖޭގެ ކޮން ރިސޯޓެއްގައި ކަމެއް ހާމަކޮށްފައެއް ނުވެއެވެ. 

އެންމެ ފަހުން އަޕްޑޭޓް ކުރީ: 1 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް