ރާއްޖެ
މާރާމާރީ ހިންގަން އުޅުން
ޖަމާލުއްދީން ސްކޫލަށް ވަދެ މަރާމާރީ ހިންގަން އުޅުނު މީހަކު ހައްޔަރުކޮށްފި
ހައްޔަރުކޮށްފައިވަނީ އުމުރުން 37 އަހަރުގެ މީހެއް
ތޯހިރާ އަޒްހާރް, ރާއްޖެ އެމްވީ | 24 މެއި 2022 | އަންގާރަ 14:53
ޖަމާލުއްދީން ސްކޫލް
ޖަމާލުއްދީން ސްކޫލަށް ވަދެ މާރާމާރީ ހިންގަން އުޅުނު މީހަކު ހައްޔަރުކޮށްފިއެވެ.
ފުލުހުން ބުނީ ޖަމާލުއްދީން ސްކޫލަށް މީހަކު ވަދެ، މާރާމާރީ ހިންގަން އުޅުނު މައްސަލައެއް އަންގާރަ ދުވަހުގެ ހެނދުނު 08:49 އެހާއިރު ފުލުހުންނަށް ރިޕޯޓުކޮށްފައިވާކަމަށެވެ.
އަދި މި މައްސަލައާ ގުޅިގެން 37 އަހަރުގެ ދިވެހި ފިރިހެނަކު މިހާރު ހައްޔަރުކޮށްފައިވާކަމަށެވެ. އޭނާގެ ބަންދަށް ކޯޓުން 15 ދުވަހުގެ މުއްދަތެއް ދީފައިވާކަމަށްވެސް ފުލުހުން މައުލޫމާތު ދީފައި ވެއެވެ.
މި މައްސަލައާ ގުޅިގެން އިތުރަށް ބަލަންޖެހޭ ކަންކަން ފުލުހުން ގެންދަނީ ބަލަމުންނެވެ.
