ރާއްޖޭގައި ބާއްވާ ފުރަތަމަ އިންޓަރނޭޝަނަލް ޗެސް މުބާރާތް އަންނަ މަހު
މުބާރާތް އޮންނާނީ ޖޫން 15ން 23ށް އއ. އުކުޅަހުގައި
ރައީސް ސޯލިހު ޗެސް ކުޅުއްވަނީ
ރާއްޖޭގައި ބާއްވާ ފުރަތަަމަ އިންޓަރނޭޝަނަލް ޗެސް މުބާރާތް އަންނަ މަހު ބޭއްވުމަށް ހަމަޖެހިއްޖެއެވެ.
"ވެސްޓާން އޭޝިއަން ޖޫނިއަރ ޗެސް ޗެމްޕިއަންޝިޕް 2022" ގެ ނަމުގައި ކުރިއަށް ގެންދިއުމަށް ހަމަޖެހިފައިވާ މި މުބާރާތް އޮންނާނީ ޖޫން 15ން 23ށް އއ. އުކުޅަހުގައެވެ.
މޯލްޑިވްސް ޗެސް އެސޯސިއޭޝަނުން ކުރިއަށްގެންދާ މި މުބާރާތަކީ މިހާތަނަށް ރާއްޖޭގައި ބާއްވާ އެންމެ ބޮޑު އިންޓަރނޭޝަނަލް މުބާރާތެވެ. މި މުބާރާތުގައި ޖުމްލަ ނުވަ ގައުމަކުން ބައިވެރިވެފައިވެއެވެ. ރާއްޖޭގެ އިތުރުން މުބާރާތުގައި ބައިވެރިވަނީ ކަޒަކިސްތާން، ކިރިގިސްތާން، އުޒްބަކިސްތާނުގެ އިތުރުން ބަންގްލަދޭޝް، އިންޑިއާ، ނޭޕާލާއި ޕާކިސްތާން އަދި ސްރީލަންކާއެވެ.
މިފަހަރުގެ މުބާރާތް ކުރިއަށް ގެންދާނީ "ވިސްނުންތެރި ކުދިން-މައްސަލަތަކަށް ބޭނުންކުރާނީ ސުލްހަވެރި ހައްލެއް" މި ޝިއާރުގެ ދަށުންނެވެ.
އަންހެން އަދި ފިރިހެން ޑިވިޝަން ހިމެނޭ ގޮތަށް މުބާރާތް ކުރިއަށް ގެންދާނީ ހަ އުމުރުފުރާއަކަށް ބަހާލައިގެންނެވެ.
