އިންޑިއާގައި ސްކޫލަށް ގެރިމަސް ގެންދިޔަ މުސްލިމް ޓީޗަރަކު ހައްޔަރުކޮށްފި
20 މެއި 2022 | ހުކުރު 16:57ޑިސްޓްރިކްޓްގެ ތައުލީމާ ބެހޭ އޮފީހުންވަނީ ދަލީމާ ސަސްޕެންޑުކޮށްފައި
އިންޑިއާގެ އަވަށެއްގައި ފެން ބޮޑުވެފައިވާ ސަރަހައްދެއް
އިންޑިއާގައި ސްކޫލަކަށް ގެރިމަސް ގެންދިޔަ މުސްލިމް ޓީޗަރަކު ހައްޔަރުކޮށްފިއެވެ.
އަންގާރަ ދުވަހު، އިންޑިއާގެ އާސާމްގެ ގޯލްޕަރާ ޑިސްޓްރިކްޓްގައި ހުންނަ ސްކޫލެއްގައި ހިނގި މި ހާދިސާގައި ހައްޔަރު ކޮށްފައިވަނީ އެ ސްކޫލްގެ ޕްރިންސިޕަލް ދަލީމާ ނިސާއެވެ.
"ގެއިން ބީފް ކައްކައިގެން މެންދުރު ކެއުމަށް ސްކޫލަށް ގެންދިޔައީ، ސްކޫލުގައި އެކުގައި މަސައްކަތްކުރާ މީހުންނަށް ދިނުމަށް. މިކަން ހިނގީ މެއި 14ވަނަ ދުވަހު" އެ ޑިސްޓްރިކްޓްގެ ފުލުސް އޮފިސަރަކާ ހަވާލާދީދަ އިންޑިޕެންޑެންޓްގައި ރިޕޯޓު ކޮށްފައިވެއެވެ.
"މިކަން ބޮޑު ވެގެންދިޔައީ އޭނާއާ ދެކޮޅަށް އެ ޑިސްޓްރިކްޓްގެ ބަޔަކު މެއި 17ވަނަ ދުވަހު ފުލުހުންނަށް ރިޕޯޓު ކުރުމުން" ފުލުސް އޮފިސަރ އިތުރަށް ވިދާޅުވިއެވެ.
އޭނާގެ މައްޗަށް ދައުވާ ކުރަނީ އިންޑިއާގެ ބައެއް މީހުން އަޅުކަންކުރާ އެއްޗަކަށް ނަފްރަތު އުފެއްދުމަށް މަސައްކަތްކުރާ ކަމަށް ބުނެއެވެ. އޭނާ އަދިވެސް ހުރީ ފުލުހުންގެ ބަންދުގައެވެ.
އެ ޑިސްޓްރިކްޓްގެ ތައުލީމާ ބެހޭ އޮފީހުންވަނީ ދަލީމާ ސަސްޕެންޑުކޮށްފައެވެ. މިކަމާ ގުޅޭގޮތުން ތަހުގީގެއްވެސް މިހާރުވަނީ ފަށާފައެވެ.
