ޕާނުގައި ތައްޔާރުކޮށްލާނެ ފަސޭހަ ރެސީޕީއެއް ބޭނުންތަ؟ ޗިކަން ސްޓަފްޑް ޓިއުބް ތައްޔާރުކޮށްލަމާ!

ފުރަތަމަ ތަވާގެ ތެރެއަށް ބަޓަރުކޮޅެއް އެޅުމަށްފަހު، ޖިންގަރ ގާލިކް ޕޭސްޓާއި ފިޔާ އަޅައިގެން ކުޑަކޮށް ވަޅޯކޮށްލާށެވެ. ދެން ގްރީން ޗިލީ، ރެޑް ބެލް ޕެޕަރ، ގްރީން ބެލް ޕެޕަރ، ސްޕްރިންގ އަނިއަން އެޅުމަށްފަހު އެއްކޮށްލާށެވެ. އެއަށްފަހު ކުކުޅު އަޅައިގެން 2 މިނިޓް ވަރު ހަނާކޮށްލާށެވެ. ދެން ލޮނު، އަސޭމިރުސް، ޗިލީ ފްލޭކްސް، އަދި ދިރި އަޅާފައި ރަނގަޅަށް އެއްކޮށްލާށެވެ. އެއަށްފަހު، މިލްކާއި ކޯންފްލަރ ގިރާލުމަށްފަހު، ކުކުޅު މަސްގަނޑަށް އަޅާލާށެވެ. ދެެން ކުކުޅުކޮޅު ރަނގަޅަށް އެއްވެ ޗީޒީ ވުމުން އުނދުން މަތިން ބާލާށެވެ.

ޕާން ފޮތީގެ ހަތަރުފަރާތް ކެފުމަށްފަހު، ރޮށި ދަމާހެން ދަމާލާށެވެ. ދެން ޕާނުގެ އެއް ފަރާތުގައި ކުޑަ ފެންފޮދެއް ހޭކުމަށްފަހު، ޕާންފޮތީގެ އެއްއަރިމައްޗަށް ދިގަށް ވާގޮތަށް ކުކުޅުކޮޅު އަޅާފައި އޭގެ މައްޗަށް ޗީޒް ކޮޅެއް އެޅުމަށްފަހު ކުޑަކޮން ފިއްތާލަމުން ރޯލްކޮށްލާށެވެ. އެއަށްފަހު، ތަވައެއްގައި ބަޓަރުކޮޅެއް ހޭކުމަށްފަހު، ރޯލްސް ފުށް ފުށަށް ޖަހަމުން ފިހެލާށެވެ.