ހުޅުމާލޭގައި ތޫނު އެއްޗަކުން ހަމަލާދީ މީހަކު މަރާލައިފި
16 އެޕްރީލު 2022 | ހޮނިހިރު 14:07މަރާލާފައިވަނީ ބަންގްލަދޭޝް ރައްޔިތެއް
ހުޅުމާލެ
ހުޅުމާލޭ ރެސްޓޯރެންޓެއްގައި ތޫނު އެއްޗަކުން ހަމަލާދީ މީހަކު މަރާލައިފިއެވެ.
ފުލުހުން ބުނީ ހުޅުމާލޭ ރެސްޓޯރެންޓެއްގައި ތޫނު އެއްޗަކުން މީހަކަށް ހަމަލާދީފައިވާކަމުގެ މައުލޫމާތު ލިބުމާއެކު ފުލުހުން އެ ސަރަހައްދުގައި ހަރަކާތްތެރިވާން ފަށާފައިވާކަމަށެވެ.
ފުލުހުން ވަނީ އަނިޔާ ލިބުނު މީހާ ވަގުތުން ހޮސްޕިޓަލަށް ގެންގޮސްފައެވެ. އެހެންނަމަވެސް އަނިޔާލިބުނު މީހާ މަރުވެފައިވާކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާކަމަށް ފުލުހުން ބުނެއެވެ. އެއީ ބަންގްލަދޭޝްގެ ރައްޔިތެއް ކަމަށް ފުލުހުން ބުނެއެވެ.
މައުލޫމާތު ލިބޭގޮތުގައި މިއީ އެ ރެސްޓޯރެންޓުގެ ކައްކާއާއި، ވެއިޓަރެއްގެ ދެމެދުގައި ހިނގި ހަމަނުޖެހުމެކެވެ. މި ހަމަނުޖެހުމުގައި ރެސްޓޯރެންޓުގެ ކައްކާ، ވެއިޓަރަށް ވަޅިން ހަމަލާދީފައިވާކަމަށް މައުލޫމާތު ލިބެއެވެ.
ފުލުހުން ގެންދަނީ އެ ސަރަހައްދުގައި ހަރަކާތްތެރިވަމުންނެވެ.
