މާލޭގެ ޑަބްލިއުޑީސީގެ ރައީސްކަން އަދާލަތަށް
ޑަބްލިއުޑީސީގެ ރައީސަކު ހޮވާފައިމިވަނީ އެ މަގާމުގައި ކުރިން ހުންނެވި އެމްޑީޕީގެ މެމްބަރު ފާތިމަތު ޝިފާ މިދިޔަ މަހުގެ 15 ގައި އިސްތިއުފާ ދެއްވުމުން
މާލޭގެ ޑަބްލިޔުޑީސީގެ ރައީސް
މާލެ ސިޓީގެ އަންހެނުންގެ ތަރައްގީއަށް މަސައްކަތްކުރާ ކޮމިޓީ (ޑަބްލިއުޑީސީ)ގެ ރައީސްކަމަށް މެމްބަރަކު އިންތިހާބުކުރަން ނެގި ވޯޓްގައި އެ މަގާމަށް އަދާލަތު ޕާޓީގެ މެމްބަރު މަރިޔަމް ޝިމާޒާ އިންތިހާބުކޮށްފިއެވެ.
މާލޭގެ ޑަބްލިއުޑީސީގެ ރައީސަކު ހޮވާފައިމިވަނީ އެ މަގާމުގައި ކުރިން ހުންނެވި އެމްޑީޕީގެ މެމްބަރު ފާތިމަތު ޝިފާ މިދިޔަ މަހުގެ 15 ގައި އިސްތިއުފާ ދެއްވުމުންނެވެ. ވެރިކަން ކުރާ ކޯލިޝަނުގެ މައި ޕާޓީ އެމްޑީޕީގެ މެޖޯރިޓީ އޮންނަ އެ ކޮމިޓީގެ ރައީސްކަމަށް އެމްޑީޕީގެ ފަރާތުން ވާދަ ކުރެއްވީ ރަޝީދާ ރަޝާދެވެ. ރަޝީދާ އިންތިހާބު ކުރަން އެމްޑީޕީން އޮތީ ތްރީލައިން ވިޕެއް ވެސް ނެރެފައެވެ.
އެހެންނަމަވެސް އިންތިހާބު އަދާލަތުގެ މެމްބަރު ކާމިޔާބުކުރެއްވީ ނުވަ ވޯޓުންނެވެ. އެމްޑީޕީގެ މެމްބަރު ރަޝީދާއަށް ހަ ވޯޓް ލިބިވަޑައިގެންނެވި އިރު އެއް ވޯޓު ވަނީ ބާތިލުވެފައެވެ.
މާލޭގެ ޑަބްލިއުޑީސީގައި ތިއްބަވަނީ އެމްޑީޕީގެ 12 މެމްބަރުންނާއި އަދާލަތުގެ މެމްބަރަކާއި ޕީޕީއެމްގެ މެމްބަރަކާއި އެމްއާރްއެމްގެ މެމްބަރެއް އަދި އަމިއްލަ ދެ މެމްބަރުންނެވެ.
