މާލޭގެ ގެއެއްގައި މަރުވެފައި އޮއްވާ ފެނުނު ދެމަފިރިން ވަޅުލައިފި

މާލޭގެ ގެއެއްގައި މަރުވެފައި އޮއްވާ އާދީއްތަ ދުވަހު ފެނުނު ދެމަފިރިން މިއަދު މަންދުރު ނަމާދަށް ފަހު ވަޅުލައިފިއެވެ.

މ .ލައިޓް ސިގްނަލް ގޭގައި މަރުވެފައި އޮއްވާ ފެނިފައި ވަނީ ތ. ވިލިފުށީ ފޭރުގޭ އުމުރުން 47 އަހަރުގެ ގާސިމް ޝާހިދު އާއި 42 އަހަރުގެ ރަޒީނާ އިބްރާހީމް އެވެ.

އެ ދެމެފިރިން ވަޅުލާފައި އެއްވަޅެއްގައި ހޯމަ ދުވަހު މެންދުރު ނަމާދަށް ފަހުގައެވެ.

ފުލުހުންގެ މީޑިއާ އޮފިޝަލް ވިދާޅުވީ އެ ދެމެފިރިން ވަޅުލާފައި ވަނީ ބަލަން ޖެހޭ ކަންތައްތައް ބެލުމަށް ފަހު ކަމަށާއި ނަމަވެސް އެ ދެމެފިރިންގެ މަރާ ގުޅޭ ގޮތުން މިވަގުތު އެއްވެސް އެއްޗެއް ބުނަން ބޭނުން ނުވާ ކަމަށް އޮފިޝަލް ވިދާޅުވިއެވެ.

އޮފިޝަލް ވިދާޅުވީ އެ ދެމެފިރިންގެ މަރާ ގުޅޭ ގޮތުން އެއްވެސް މައުލޫމާތެއް ދެވޭނީ މައްސަލައިގެ ތަހުގީގު ނިމުން ކަމަށް އޮފިޝަލް ވިދާޅުވިއެވެ.

މި ދެމަފިރިން މަރުވެފައި އޮއްވާ ފެނިފައިވަނީ ހޮނިހިރު ދުވަހުގެ ރޭ ނިދި ފަހުން އާދީއްތަ ދުވަހު ޚަބަރެއް ނުވެގެން ބެލިއިރުއެވެ.

މީހުންގެ ހަށިގަނޑު ފުރަތަމަ ގެންދިޔައީ އައިޖީއެމްއެޗަށެވެ. އަދި އެއަށް ފަހު މޯޗަރީގައި ބާއްވާފައި ވެއެވެ.

މިހާތަނަށް ލިބިފައިވާ މައުލޫމާތަށް ބަލާއިރު ބޭރުފުށުން އެއްވެސް ޒަޚަމެއް ފެނިފައި ނުވާއިރު މަރުވި ސަބަބެއް އަދި އެނގިފައެއް ނުވެއެވެ