ޔުނިވާރސަލް އިން ރ އަތޮޅުގައި ތަރައްޤީ ކުރި ދިގަލި ރިސޯޓު ހުޅުވައިފި އެވެ.
ޖޫން 1 ގައި ހުޅުވާފައިވާ މިރިސޯޓުގައި ޖުމްލަ 20 ބީޗް ބަންގަލޯއާއި 33 ޑިލެކްސް ބީޗް ބަންގަލޯގެ އިތުރުން 63 ބީޗް ވިލާ އަދި 24 ވޯޓަރ ވިލާވެސްވަނީ ތަރައްޤީ ކޮށްފައެވެ.
މި ރިސޯޓްގައި ޗިލްރަންސް ކުލަބާއި މަތީފަންތީގެ ސްޕާއާއި ޕްރައިވެޓް ސްވިމިން ޕޫލާއި ޖިމްގެ އިތުރުން ރެސްޓޯރެންޓްތައްވެސްވަނީ ގާއިމް ކޮށްފައެވެ.
ސީޕްލޭންގައި 45 މިނިޓުން ދެވޭ ދިގަލި ރިސޯޓުގައި ފަރުމާކޮށްފައިވާ ދިގަލި ސުއިޓަކީ މަތީ ފަންތީގެ ފަތުރުވެރިންނަށް ހާއްސަކޮށްފައިވާ ތަނެކެވެ.
ދިގަލި ރިސޯޓުގައި އޭޝިޔާ ސަރަހައްދުގެ ކެއުންތަކަށް ހާއްސަ އިސްކަމެއްދީފައިވާނެ ކަމަށާއި އަދި ވަގުތުން ތައްޔާރުކޮށްދޭ ގިނަ ކެއުންތައް ހާއްސަކޮށްފައިވެއެވެ.
ވޯޓަރ ސްޕޯޓްގެ ގިނަ ކުޅިވަރުތަކާއި އަލަށް މާރކެޓަށް އައި މިރިސޯޓަކީ ޕަޑީން ސެޓްފިކެޓްދީފައިވާ ޑައިވް ސެންޓަރެއްވެސް ހުންނަ ރިސޯޓެކެވެ.
