ސްޕޯޓްސް އެވޯޑްސް 2022: އިންޑިއާ ކްރިކެޓް ޓީމުގެ ކުރީގެ ކެޕްޓަން ބައިވެރިވާނެ
15 މާރިޗު 2022 | އަންގާރަ 16:56ޖުމްލަ 107 ކެޗާއެކު އައިޕީއެލްގެ އެންމެ ގިނަ ކެޗް ހެދި ކުޅުންތެރިޔާގެ ރެކޯޑު އޮތީ ސުރޭޝް އަތުގައި
އިންޑިއާގެ ކްރިކެޓް ޓީމުގެ ކުރީގެ ކެޕްޓަން ސުރޭޝް ރޭނާ
މިހަފްތާގެ ބުރާސްފަތި ދުވަހު ބޭއްވުމަށް ހަމަޖެހިފައިވާ މޯލްޑިވްސް ސްޕޯޓްސް އެވޯޑްސް 2022 ގައި ބައިވެރިވުމަށް އިންޑިއާ ކްރިކެޓް ޓީމުގެ ކުރީގެ ކެޕްޓަން ސުރޭޝް ރޭނާ ބައިވެރިވާނެއެވެ.
ރާއްޖޭގެ ކުޅިވަރާއި ބެހޭ ވަޒީރު އަހްމަދު މަޚްލޫފް ކުރެއްވި ޓްވީޓެއްގައި ވަނީ މި ހަފްލާގައި ސުރޭޝް ބައިވެރިވާނެކަމުގެ ޔަގީންކަން ދެއްވާފައެވެ.
ސުރޭޝް އަކީ ދުނިޔޭގެ އެންމެ މޮޅު ފީލްޑަރުންގެ ތެރޭގައި ފާހަގަކުރެވިފައިވާ ކުޅުންތެރިއެކެވެ. އަދި ޗެމްޕިއަންސް ލީގުގެ ޓީ20ގެ ތާރީޚަށް ބަލާނަމަ އެންމެ ގިނަ ފިފްޓީސް ސްކޯކުރި ކުޅުންތެރިއާގެ ރެކޯޑުވެސް އޮތީ ސުރޭޝް އަތުގައެވެ. މީގެ އިތުރުން އައިޕީއެލްގައި 5،000 ރަން ނެގި އެންމެ ފުރަތަމަ ކުޅުންތެރިއަކީވެސް ސުރޭޝްއެވެ. ޖުމްލަ 107 ކެޗާއެކު އައިޕީއެލްގެ އެންމެ ގިނަ ކެޗް ހެދި ކުޅުންތެރިޔާގެ ރެކޯޑުވެސް އޮތީ ސުރޭޝް އަތުގައެވެ.
މިނިސްޓަރ މަހްލޫފްގެ އަމާޒަކީ ދުނިޔޭގެ ސަމާލުކަން ހުއްޓޭފަދަ ކާމިޔާބު އިވެންޓަކަށް މި ސްޕޯޓްސް އެވޯޑްސް ހެދުމެވެ. އެކަމަށްޓަކައި ދުނިޔޭގެ އެހާރާއި މިހާރުގެ މަޝްހޫރު ކުޅުންތެރިންނާއި ކުޅިވަރުގެ ޝަހުސިއްޔަތުން ހިމެނޭހެން ބޭރުގެ މަޝްހޫރު 15 ފަރާތެއް ރާއްޖެ ގެނައުމަށް ހަމަޖެހިފައިވެއެވެ. މީގެ ތެރެއިން ބައެއް ފަރާތްތައް މިހާރުވަނީ ރާއްޖެ އައިސްފައެވެ. އަދި ދަނީ މި އިވެންޓް ކާމިޔާބް އިވެންޓަކަށް ވާނެ ކަމުގެ އުންމީދު ފާޅު ކުރަމުންނެވެ.
