އިތުރު 855 މީހުން ބޫސްޓަރ ޑޯޒް ޖަހައިފި
ފުރަތަމަ ޑޯޒް ޖެހި މީހުންގެ އަދަދު ވަނީ 398،281ށް އަރާފައި
ވެކްސިން ޖެހުމުގެ ގައުމީ ކެމްޕޭންގެ ތެރެއިން ޓްރީ ޓޮޕް ހޮސްޕިޓަލުގައި ވެކްސިން ދިނުމުގެ މަސައްކަތް ކުރިއަށް ދަނީ
އިތުރު 855 މީހުން ބޫސްޓަރ ޑޯޒް ޖަހައިފިއެވެ.
އެޗްޕީއޭއިން އާންމުކޮށްފައިވާ ތަފާސްހިސާބުތަކަށް ބަލާއިރު ހޯމަ ދުވަހު މާލެ ސަރަހައްދުން ބޫސްޓަރ ޑޯޒް ޖަހާފައިވަނީ 353 މީހުންނެވެ. އަތޮޅުތަކުން 502 މީހުން ޖަހާފައިވެއެވެ. މިއާއެކު ބޫސްޓަރ ޑޯޒް ޖެހި މީހުންގެ އަދަދު ވަނީ 139،228ށް އަރާފައެވެ.
ހޯމަ ދުވަހު ދެ ވަނަ ޑޯޒް ޖަހާފައިވަނީ 30 މީހުންނެވެ. އެއީ މާލެ ސަރަހައްދުން 27 މީހުންނާއި އަތޮޅުތަކުން 3 މީހުންނެވެ. މިއާއެކު ދެ ޑޯޒް ފުރިހަމަކުރި މީހުންގެ އަދަދު ވަނީ 371،291ށް އަރާފައެވެ.
ހޯމަ ދުވަހު ފުރަތަމަ ޑޯޒް ޖަހާފައިވަނީ 6 މީހުންނެވެ. އެއީ މާލެ ސަރަހައްދުން 4 މީހުންނާއި އަތޮޅުތަކުން 2 މީހުންނެވެ. މިއާއެކު ފުރަތަމަ ޑޯޒް ޖެހި މީހުންގެ އަދަދު ވަނީ 398،281ށް އަރާފައެވެ.
