އެމެރިކާގެ ރައީސް ޖޯ ބައިޑަންއަށް އަދިވެސް އިތުރަށް އެހީވެދެއްވޭނެ- ޒެލެންސްކީ

ޔޫކްރެއިނަށް އެހީވުމަށް އެމެރިކާގެ ރައީސް ޖޯ ބައިޑަންއަށް އަދިވެސް އިތުރު ކަންތައްތައް ކޮށްދެއްވޭނެ ކަމަށް ވިދާޅުވެ މިނިވަންކަމަކީ ކޮބާކަމާމެދު ވިސްނާލުމަށް ޔޫކްރެއިންގެ ރައީސް ވޮލޮޑިމިރް ޒެލެންސްކީ އެމެރިކާގެ ރައްޔިތުންގެ ކިބައިން އެދިވަޑައިގެންފިއެވެ.

އޭބީސީ ވަރލްޑް ނިއުސް ޓުނައިޓް އަށް ދެއްވި އިންޓަރވިއުއެއްގައި، އެމެރިކާގެ ރައްޔިތުންނަށް ވިދާޅުވާނީ ކީކޭތޯ ދެންނެވުމުން ޒެލެންސްކީ ވިދާޅުވީ، މިނިވަން ކަމެއް ނެތި ޔޫކްރެއިންގެ ރައްޔިތުން މިވަގުތު ތަހައްމަލްކުރަމުންދާ ވޭނުގެ މަތިން ހަނދާން ކޮށްލުމަށް އެދިވަޑައިގަންނަވާ ކަމުގައެވެ. އަދި މިފަދަ އިހުސާސްތައްކޮށް، ހަމައެކަނި ބަސްތަކަކުން ނޫންގޮތަކަށް ޔޫކްރެއިންގެ ރައްޔިތުނަށް އެމެރިކާއިން އެހީވުމަށް އެދިވަޑައިގެންނެވިއެވެ. އަދި ދުނިޔޭގެ އެހީތެރިކަމާއި އެއްބާރުލުމާއެކު މިހަނގުރާމައިގައި ޔޫކްރެއިނުން ފަތަހަ ހޯދާނެ ކަމުގެ އުންމީދު އެބައޮތްކަމަށް ވިދާޅުވިއެވެ.

މީގެއިތުރުން ޔޫކްރެއިންގެ މަތިން އުދުހުން މަނާ ޒޯނެއް ގާއިމުކޮށް ހަމަލާތައް ހުއްޓާލުމަށް ރަޝިޔާގެ ރައީސް ވްލަޑިމިއަރ ޕުޓިންގެ ކިބައިން ޒެލެންސްކީ އަނެއްކާވެސް އެދިވަޑައިގެންނެވިއެވެ.

ރަޝިޔާގެ މިސައިލްތަކާއި ހަނގުރާމަމަތީ މަތިންދާ ބޯޓުތައް ޔޫކްރެއިން މަތިން ދަތުރު ކުރިޔަ ނުދިނުމަށް އެހީތެރިކަމަށްއެދި ގޮވާލާ ގޮވާލުންތަކަށް އަދި ނޭޓޯ ޖަމާއަތުން އަމަލީ ސިފަ ގެނެސްފައެއް ނުވެއެވެ.

ރަޝިޔާ އިން ޔޫކްރޭން އާއި ދެކޮޅަށް ކުރަމުން މިދާ ހަނގުރާމައިގައި އެމެރިކާގެ އެއްގަމުގެ ފައުޖުތައްވެސް އަދި ވައިގެ ސިފައިންގެ ފައުޖުތައްވެސް ބައިވެރިނުވާނެކަމުގައި އެމެރިކާއިން އދ. އަށް ކަނޑައަޅާފައި ހުންނަވާ ސަފީރު ލިންޑާ ތޮމަސް ގްރީންފީލްޑް ކުރިން ވިދާޅުވެފައި ވެއެވެ. އޭނާ މިމޭރުމުން ވާހަކަދައްކަވާފައިވަނީ ރަޝިޔާ އާއި ދެކޮޅަށް މިހާރު އަޅާފައިވާ ވަރަށްވުރެވެސް އިތުރު ފިޔަވަޅުތައް އަޅާދިނުމަށް ހުޅަނގުގެ ގައުމުތަކުގެ ކިބައިން ޔޫކްރޭނުން ގޮވާލުމާއި ގުޅިގެންނެވެ. އިތުރު ހަތިޔާރާއި އިތުރު ބޯޓުތައް ފޯރުކޮށް ދިނުމަށް އެދިފައިވާތީ ގްރީންފީލްޑް ވިދާޅުވީ އެހެން ހަދައިފިނަމަ ހަނގުރާމަ އިތުރަށް ގޯހުން ގޯހަށް ދާނެ ކަމަށާއި އޭރުންވާނީ އެމެރިކާ އާއި ރަޝިޔާގެ ހަނގުރާމަޔަކަށް ކަމުގައެވެ.

ހަތިޔާރުގެ ގޮތުން ފިޔަވައި އެހެން ހުރިހާ ގޮތަކުން އެމެރިކާއިން ޔޫކްރެއިނަށް އެހީވާނެކަން ވަރަށް ސާފުކޮން އަންގާފައިވާނެ ކަމަށާއި ހަފްތާއެއްހާ ދުވަހުގެތެރޭ ބިލިއަނެއްހާ ޑޮލަރުގެ ސަޕޯޓް ދީފައިވާނެ ކަމަށް އެކަމަނާ ވިދާޅުވިއެވެ.

ގްރީންފީލްޑް ވިދާޅުވީ ރަޝިއަން ފެޑަރޭޝަންގެ މަތިންދާބޯޓެއް ވައްޓާލާ ހަމައިން ކަންތައްތައް ވަރަށް ގޯސްވެގެން ދާނެ ކަމަށާއި އެހާހަމައިން އުސޫލެއްގެ ގޮތުން ތިންވަނަ ބޮޑު ހަނގުރާމަ ފެށުނީ ކަމުގައެވެ.