މާރާމާރީ ހިންގިކަމުގެ ކުށުގައި ހައްޔަރުކުރި ބިދޭސީއަކު 7 ދުވަހަށް ބަންދު
ކްރިމިނަލް ކޯޓުން މި އަމުރު ނެރުއްވީ އިސްގާޒީ އަހުމަދު ޝަކީލް
ކްރިމިނަލް ކޯޓު- ކޯޓު އަމުރުގައި ބުނެފައިވާ ގޮތުން އޭނާގެ ބަންދުގެ މުއްދަތު ހަމަވާނީ 10 މާޗް 2022ށް
ތޫނު ހަތިޔާރު ބޭނުންކޮށްގެން މާރާމާރީ ހިންގިކަމުގެ ކުށުގައި ހައްޔަރުކުރި ބިދޭސީއަކު 7 ދުވަހަށް ކަސްޓޯޑިއަލް ޖަލެއްގައި ބަންދުކޮށްފިއެވެ.
މި މައްސަލައާ ގުޅިގެން ހައްޔަރު ކޮށްފައިވަނީ ސްރިނިވަސަން ސުބްރަމަނި ނަމަކަށް ކިޔާ އިންޑިއާ ރައްޔިތެކެވެ. އޭނާގެ ބަންދަށް ކްރިމިނަލް ކޯޓުން ވަނީ 7 ދުވަހުގެ މުއްދަތެއް ޖަހާފައެވެ.
ކޯޓު އަމުރުގައި ބުނެފައިވާ ގޮތުން އޭނާގެ ބަންދުގެ މުއްދަތު ހަމަވާނީ 10 މާޗް 2022އަށެވެ.
އޭނާގެ މައްޗަށް ތުހުމަތު ކުރެވޭ ކުށް ކުރިކަމަށް އެކަށީގެންވާ ހެކި ހުރިކަމަށް ކޯޓުން ބުނެއެވެ. ވުމާއެކު އޭނާ ދޫކޮށްލައިފިނަމަ މުޖުތަމައުގެ ސަލާމަތަށް ނުރައްކާވުން އެކަށީގެންވާކަން ވަނީ ބަޔާންކޮށްފައެވެ.
ކްރިމިނަލް ކޯޓުން މި އަމުރު ނެރުއްވީ އިސްގާޒީ އަހުމަދު ޝަކީލެވެ.
