ފެނަކަ ސީއެސްއާރުގެ ދަށުން ކޮމަންޑޫގެ މިސްކިތްތަކަށް އޭސީ ހަދިޔާކޮށްފި
އެރަށު މިސްކިތްތަކަށް ބޭނުންވާ 6 އޭސީ، ކައުންސިލާ ވަނީ ހަވާލުކޮށްފައި
ފެނަކަ ސީއެސްއާރުގެ ދަށުން އޭސީ ހަދިޔާކުރުން
ފެނަކަ ކޯޕަރޭޝަންގެ ސީއެސްއާރުގެ ދަށުން ށ. ކޮމަންޑޫ މިސްކިތްތަކަށް އޭސީ ހަދިޔާކޮށްފިއެވެ.
ކޮމަންޑޫ ކައުންސިލުން ވިދާޅުވީ، ފެނަކަ ސީއެސްއާރްގެ ދަށުން އެރަށު މިސްކިތްތަކަށް ބޭނުންވާ 6 އޭސީ ކައުންސިލާ ހަވާލުކޮށްފައިވާ ކަމަށެވެ. މިއީ 24000 ބީޓީޔޫގެ އޭސީތަކެކެވެ.
ފެނަކަ ސީއެސްއާރުގެ ދަށުން މީގެ ކުރިން ވެސް ވަނީ އެރަށަށް އެހީތެރިކަން ފޯރުދީފައެވެ.
މިގޮތުން މިދިޔަ ޖެނުއަރީ މަހުގެ 31 ވަނަ ދުވަހު ވަނީ އެރަށު ސިއްހީ މަރުކަޒަށް 4 އޭސީއާއި ޓީވީއެއް ހަދިޔާކޮށްފައެވެ. އެއީ އެ މަރުކަޒުގެ ވޯރޑް އަޕްގްރޭޑް ކުރުމަށްޓަކައި ދިން އެހީއެކެވެ.
މީގެ އިތުރުން ފޯކައިދޫގައި ތަރައްގީކުރާ ފުޓްސަލް ދަނޑުގެ ލައިޓް ޖެހުމަށް ބޭނުންވާ ބުޑު އެޅުމަށް ސިމެންތި، ހިލަ އަދި ހިލަވެލި ފެނަކައިގެ ފަރާތުން އެރަށު ކައުންސިލާ ހަވާލުކޮށްފައިވެއެވެ.
ފެނަކައިގެ ފަރާތުން އެކުންފުނީގެ އިޖުތިމާއީ ޒިންމާގެ ދަށުން އެކުންފުނިން ޚިދުމަތްދޭ ރާއްޖޭގެ އެކި ރަށްރަށަށް މިފަދަ ގިނަ އެހީތަކެއް އަންނީ ފޯރުކޮށްދެމުންނެވެ.
