ކޮމަންޑޫގައި ވޮލަންޓިއަރ ފަޔަރފައިޓަރުން ތަމްރީނުކުރުމަށް ޕްރޮގްރާމެއް ހިންގައިފި
މި ޕްރޮގްރާމުގައި 16 ފަރާތަކުން ބައިވެރިވި
ލަންޓިއަރ ފަޔަރފައިޓަރ ޓްރެއިނިންގ ޕްރޮގްރާމް ނިންމާލުން
އެމްއެންޑީއެފް ނޮދަން އޭރިއާ ކޮމާންޑުން ށ.ކޮމަންޑޫގައި ކޮމިއުނިޓީ ވޮލަންޓިއަރ ފަޔަރފައިޓަރ ޓްރެއިނިންގ ޕްރޮގްރާމެއް ހިންގައިފިއެވެ.
ޕްރޮގްރާމް ނިންމުމުގެ ގޮތުން ކޮމަންޑޫގައި ހޯމަ ދުވަހު ބޭއްވި ރަސްމިއްޔާތު ޝަރަފުވެރިކޮށްދެއްވައި ބައިވެރިންނަށް ސެޓްފިކެޓް ހަވާލުކޮށްދެއްވީ އެމްއެންޑީއެފް ނޮދަން އޭރިއާ ކޮމާންޑްގެ އެސް1، ކެޕްޓަން އިސްމާޢީލް އަކްރަމެވެ.
ފެބްރުވަރީ މަހުގެ 17 އިން 21 އަށް ހިންގި މި ޕްރޮގްރާމުގައި 16 ފަރާތަކުން ވަނީ ބައިވެރިވެފައެވެ. 3 އަންހެން ބައިވެރިންވެސް ހިމެނުނު މި ޕްރޮގްރާމު ފުރިހަމަކޮށްފައިވަނީ 14 ފަރާތަކުންނެވެ.
މި ޕްރޮގްރާމަކީ ރަަށުގައި އަލިފާނުގެ ހާދިސާއެއް ހިނގައިފިނަމަ އަލިފާން ނިއްވުމުގައި ހަރަކާތްތެރިވުމަށް ތަމްރީނު ލިބިފައިތިބި މީހުން އުފެދުމުގެ މަގްސަދުގައި އެމްއެންޑީއެފް ނޮދަން އޭރިއާ ކޮމާންޑާއި ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ ގުޅިގެން ކުރިއަށްގެންދިޔަ ޕްރޮގްރާމެކެވެ.
މި ޕްރޮގްރާމުގައި ކިޔަވައިދެއްވީ އެމްއެންޑީއެފް ނޮދަން އޭރިއާ ކޮމާންޑް ފަޔަރ ކޮމްޕޯނަންޓްގެ ސިފައިންނެވެ.
