ހއ. ދިއްދޫގައި ފަނުން ތަކެތި ވިޔަން ދަސްކޮށްދޭ ޕްރޮގްރާމެއް ހިންގުމަށް ހަމަޖެހިއްޖެއެވެ.

މި ޕްރޮގްރާމަކީ ދިއްދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީން އިންތިޒާމްކޮށްގެން, އަންހެނުންނަށް ޚާއްސަކޮށް ކުރިއަށް ގެންދިއުމަށް ނިންމާފައިވާ ޕްރޮގްރާމެކެވެ. މިއީ ގޭގައި ތިބެގެން ރަށުގެ އަންހެން ބޭފުޅުންނަށް އާމްދާނީ ހޯދިދާނެ ފުރުސަތެއް ފަހި ކޮށްދިނުމުގެ މަގުސަދުގައި އެ ކޮމެޓީން ހިންގުމަށް ނިންމާފައިވާ ޕްރޮގްރާމެކެވެ.

3 ދުވަހުގެ މުއްދަތަށް ކުރިއަށް ގެންދާ މި ޕްރޮގްރާމްގައި ބައިވެރިވުމުގެ ފުރުސަތު މިހާރުވަނީ ހުޅުވާލާފައެވެ. އެގޮތުން މި ޕްރޮގްރާމްގައި ބައިވެރިވާން ޝައުގުވެރިވާ ފަރާތްތަކުން، އައިޑީ ކާޑުގެ ކޮޕީއާއި ފޯން ނަންބަރު ޖެހުމަށްފަހު 7426560 މި ނަންބަރަށް ވައިބަރ ކުރުމަށް ދިއްދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީން ވަނީ އެދިފައެވެ.

މި ޕްރޮގްރާމްގައި ބައިވެރިވުމުގެ ފުރުސަތު ފެބްރުއަރީ 14ވަނަ ދުވަހުގެ ނިޔަލަށްވަނީ ހުޅުވާލާފައެވެ.