ހއ. ދިއްދޫން އިތުރު 22 މީހަކު ޕޮޒިޓިވްވެ, އެކްޓިވް ކޭހުގެ އަދަދު 123އަށް އަރައިފިއެވެ.

ދިއްދޫގައި ހުންނަ އެ އަތޮޅު ހޮސްޕިޓަލުން އާންމު ކުރި އެންމެ ފަހުގެ މައުލޫމާތުގައިވާ ގޮތުން, ޕޮޒިޓިވް ވެފައިވަނީ ފްލޫ ކުލިނިކަށް ދައްކާފައިވާ 22 މީހެކެވެ. ދިއްދޫއިން މިހާތަނަށް 830 މީހަކު މި ބައްޔަށް ފައްސިވެފައިވާއިރު، 706 މީހަކު ވަނީ މި ބަލިން ރަނގަޅުވެފައެވެ. އަދި މި ބަލީގައި އެކަކު ވަނީ ނިޔާވެފައެވެ.

ކޮވިޑް19އާ ގުޅިގެން ސިއްހީގޮތުން ބަލަންޖެހޭ ކަންކަން ބެލުމަށް ހެލްތު ޕްރޮޓަކްޝަން އޭޖެންސީގެ ފަރާތުން 20 ޖެނުއަރީ 2022ގައި ދިއްދޫ ވަނީ މޮނިޓަރިންގއަށް ލާފަައިއެވެ. އަދި ރޭގަނޑު 9:00އިން ފަތިހު 4:00އަށް އެރަށުގައި ދަނީ ކާފިއު ހިންގަމުންނެވެ.