ދިއްދޫގައި އިލެކްޓްރިކް ވަޔަރިންގ ކޯހެއް ފަށަނީ
31 ޖެނުއަރީ 2022 | ހޯމަ 12:58މިކޯހަކީ ދިއްދޫ ކައުންސިލުން، މޯލްޑިވްސް ޕޮލިޓެކްނިކްއާ ގުޅިގެން ހިންގާ ކޯހެއް
ހއ. ދިއްދޫ
ހއ.ދިއްދޫގައި "އިލެކްޓްރިކް ވަޔަރިންގ" ކޯހެއް ހިންގުމަށް ހަމަޖެހިއްޖެއެވެ.
ދިއްދޫ ކައުންސިލުން މައުލޫމާތުދޭ ގޮތުގައި މި ކޯހަކީ ދިއްދޫ ކައުންސިލްގެ ފަރާތުން މޯލްޑިވްސް ޕޮލިޓެކްނިކްއާ ގުޅިގެން ހިންގާ ކޯހެކެވެ. އެގޮތުން މިކޯހުގައި ބައިވެރިވުމަށް ޝައުގުވެރިވާ ފަރާތްތަކަށް އެ ފުރުސަތުވަނީ ހުޅުވާލާފައެވެ. ބައިވެރިވާން ބޭނުންވާ ފަރާތްތަކުން އައިޑީ ކާޑުގެ ކޮޕީއާއި ފޯނު ނަންބަރު, އަދި "އިލެކްޓްރިކަލް ވަޔަރިންގ ކޯހުގައި ބައިވެރިވުމަށް އެދި" މިހެން ލިޔުމަށްފަހު ވައިބަރ މެދުވެރިކޮށް ދިއްދޫ ކައުންސިލް އިދާރާގެ ނަންބަރ 7285567އަށް މެސެޖް ކުރުމަށް އެ އިދާރާއިން އެދިފައިވެއެވެ.
މި ކޯހުގައި ބައިވެރިވެވޭނެ އެންމެ ފަހު ތާރީޚަކީ 8 ފެބްރުއަރީ 2022ވާ އަންގާރަ ދުވަހުގެ 14:00އެވެ.
