ހއ.ދިއްދޫއިން އިތުރު 39 މީހަކު ކޮވިޑަށް ޕޮޒިޓިވް ވެއްޖެއެވެ.
ދިއްދޫގައި ހުންނަ އެ އަތޮޅުގެ ހޮސްޕިޓަލުން އާންމު ކޮށްފައިވާ އެންމެ ފަހުގެ މައުލޫމާތުގައިވާ ގޮތުން ޕޮޒިޓިވްވެފައިވަނީ ޑައިރެކްޓް ކޮންޓެކްޓުގެ ގޮތުގައި ހިމެނޭ 18 މީހަކާއި ފުރަބަންދުގައި ހުރި މީހަކާއި 16 ފުލޫ ސާމްޕަލްގެ އިތުރުން 4 ރެންޑަމް ސާމްޕަލްއެވެ. މިހާތަނަށް މި ބައްޔަށް 437 މީހަކު ޕޮޒިޓީވް ވެފައިވާއިރުގައި 345 މީހަކު ވަނީ ބަލިން ރަނގަޅުވެފައިއެވެ. އަދި އެކްޓިވް ކޭހުގެ އަދަދަކީ 91 އެވެ. މިހާތަނަށް އެރަށުން 3372 މީހެއްގެ ސާމްޕަލް ވަނީ ނަގާފައިއެވެ. އޭގެ ތެރެއިން 71 މީހެއްގެ ސާމްޕަލް ނަތީޖާ އަދި ނުލިބޭއެެވެ.
ދިއްދޫގައި ކޮވިޑް ކޭހެއް ފެނިފައިވަނީ ހުސްވި 2021 ވަނަ އަހަރުގެ ނޮވެމްބަރުމަހުގެ ތެރޭގައިއެވެ. މި ބަލީގައި އެރަށުން އެކަކު ވަނީ ނިޔާވެފައެވެ.
