ރާއްޖެ
ދިއްދޫގެ ކޮވިޑް ހާލަތު
ދިއްދޫއިން އިތުރު 9 މީހަކު ކޯވިޑަށް ޕޮޒިޓިވް ވެއްޖެ
އެކްޓިވްކޭސް ތަކުގެ އަދަދަކީ 53
މަލީހާ ރަޝީދު, ރާއްޖެ އެމްވީ | 6 ޖެނުއަރީ 2022 | ބުރާސްފަތި 13:21
ހއ. ދިއްދޫ
ހއ. ދިއްދޫއިން އިތުރު 9 މީހަކު ކޮވިޑަށް ޕޮޒިޓިވްވެ، ދިއްދޫއިން ޕޮޒިޓިވްވެފައިވާ މީހުންގެ އަދަދު 283އަކަށް އިތުރުވެއްޖެއެވެ.
ދިއްދޫގައި ހުންނަ ހއ އަތޮޅުގެ ހޮސްޕިޓަލުން އާންމުކުރި އެންމެ ފަހުގެ މައުލޫމާތުގައިވާ ގޮތުން، ޕޮޒިޓިވް ވެފައިވަނީ 5 ފްލޫ ސާމްޕަލާއި ޑައިރެކްޓް ކޮންޓެކްޓުންގެ ގޮތުގައި ހިމެނޭ 4 މީހެކެވެ.
މިހާރު ދިއްދޫގައި 53 އެކްޓިވް ކޭސް އޮތްއިރު 229 މީހަކު ވަނީ މި ބަލީން ރަނގަޅުވެފައެވެ. އަދި މިބަލީގައި އެކަކު ވަނީ ނިޔާވެފައިއެވެ. މިހާތަނަށް ދިއްދޫއިން ޖުމްލަ 3012 ސާމްޕަލްވަނީ ނަގާފައިއެވެ. އޭގެތެރެއިން 30 ސާމްޕަލްގެ ނަތީޖާ އަދި ނުލިބެއެވެ.
ދިއްދޫއިން ކޮވިޑްކޭސްއެއް ފެނިފައިވަނީ ހުސްވި 2021ވަނަ އަހަރުގެ ނޮވެމްބަރު މަހުގެ ތެރޭގައެވެ.
