މިޑްލް ސްޕޯރޓްސް ކުލަބާއި ދިއްދޫ ޕޮލިސް ގުޅިގެން ބޭއްވުމަށް ނިންމާފައިވާ ކަލަރ ރަން ޖެނުއަރީ 14ވަނަ ދުވަހު ބޭއްވުމަށް ހަމަޖެހިއްޖެއެވެ.

މިޑްލް ސްޕޯރޓްސް ކުލަބްއިން ވަނީ މި ހަރަކާތުގައި ބޭނުންކުރާ ޓީޝާޓު ބޭނުންވާ ފަރާތްތަކަށް، ޓީޝާޓަށް އޯޑަރު ކުރުމަށް ހުޅުވާލާފައެެވެ. އެގޮތުން ކުރީން ޓީޝާޓް ހޯދުމަށް ނަންނޯޓް ކުރި ފަރާތްތައް ފިޔަވައި އިތުރު ފަރާތެއް ޓީޝާޓް ބޭނުންވާނަމަ 9991126 މި ނަންބަރަށް ގުޅައި ޓީޝާޓަށް އޯޑަރު ކުރުމަށް އެ ކުލަބުން ވަނީ އެދިފައިއެވެ. އޯޑަރު ކުރެވޭނެ އެންމެ ފަހު ތާރީޚަކީ ޖެނުއަރީ 6 ވާ ބުރާސްފަތި ދުވަހުގެ 20:00 އެވެ. ޓީޝާޓެއްގެ އަގަކީ 70 ރުފިޔާއެވެ.

މި ރަން އަކީ 2021 ވަނަ އަހަރުގެ ބައިނަލްއަޤްވާމީ ކުޑަކުދިންގެ ދުވާހާ ގުޅުވައިގެން ބޭއްވުމަށް ހަަމަޖެހިފައިވާ ހަރަކާތެކެވެ. ނަމަވެސް ދިއްދޫގައި ހަލުވިކަމާއިއެކު ކޮވިޑް ފެތުރެމުންދިޔުމުގެ ސަބަބުން މި ހަރަކާތް ވަނީ ފަސްކުރެވިފައެވެ.