ޓްރީ ޓޮޕް ހޮސްޕިޓަލުން ފެމިލީ މެޑިސިން ކްލިނިކް ޚިދުމަތްތައް ފޯރުކޮށްދޭން ފަށައިފި
ފެމީލީ މެޑިސިން ކްލިނިކް ހުޅުވާފައިވަނީ ހޮސްޕިޓަލްގެ 1 ވަނަ ފަންގިފިލާގައި
ޓްރީޓޮޕް ހޮސްޕިޓަލް
ޓްރީ ޓޮޕް ހޮސްޕިޓަލުން ފެމިލީ މެޑިސިން ކްލިނިކްގެ ޚިދުމަތްތައް ފޯރުކޮށްދޭން ފަށައިފިއެވެ.
ޓްރީ ޓޮޕް ހޮސްޕިޓަލުން ފެމިލީ މެޑިސިން ކްލިނިކް ހުޅުވާފައިވަނީ ހޮސްޕިޓަލްގެ 1 ވަނަ ފަންގިފިލާގައެވެ. މި ކްލިނިކުން މެހެމާނުންނަށް ޖެނެރަލް ކޮންސަލްޓޭޝަން އަދި ނޮން އިމަރޖެންސީ ކޮންސަލްޓޭޝަން ޚިދުމަތްތައް ލިބިގެންދާނެއެވެ.
މި ކްލިނިކުން ލިބޭ ޚިދުމަތްތަކަކީ ޕްރިވެންޓިވް ކެއަރ، ޗެކްއަޕް، ހެލްތު ރިސްކް އެސެސްމެންޓްސް، ވެކްސިނޭޝަން، ވޯރކް ޕާރމިޓް މެޑިކަލްސް، އަދި ދުޅަ ހެޔޮ ދިރިއުޅުމެއް ބިނާ ކުރަން ކައުންސިލިންގ ޚިދުމަތްތައް ހިމެނެއެވެ. ފެމިލީ ކްލިނިކްގެ އިސް ދައުރަކީ މެހެމާނުންނަށް ޖެނެރަލް ކޮންސަލްޓޭޝަން އަދި ނޮން އިމަރޖެންސީ ހިދުމަތްތައް ފަސޭހަކަމާއިއެކު ފޯރުކޮށްދިނުމެވެ.
ޓްރީ ޓޮޕް ހޮސްޕިޓަލް ފެމިލީ މެޑިސިންގެ ޚިދުމަތް ފޯރުކޮށްދެއްވާނީ ފެމިލީ މެޑިސިން ސްޕެޝަލިސްޓް ޑރ. މަނާރް ކަރަމް އެވެ. ޑރ. މަނާރް ކަރަމްއަކީ މިސްރުގެ އައިނުއް ޝަމްސް ޔުނިވަރސިޓީން، ބެޗެލަރސް އޮފް މެޑިސިން (އެމް.ބީ.، ސީ.އެޗް.ބީ) އަދި ފެލޯޝިޕްއިން ފެމިލީ މެޑިސިން އެލް ނޮޒްހާ ޕީ.ހެޗް.ސީ އަދި އެލް މަޓްރަޔާ ހޮސްޕިޓަލްއިން ހާސިލްކުރައްވާފައެވެ.
ޑރ. މަނާރް ވަނީ މިސްރުގެ އެކި ސިއްހީ މުއައްސަސާތަކުން ޖެނެރަލް ޕެރެކްޓިޝަނަރެއްގެ ގޮތުގައި 10 އަހަރުގެ ތަޖުރިބާ ހޯދައްވާފައެވެ. އަދި ޑރ. މަނާރްއަކީ އަޕަރ ރެސްޕިރޭޓޮރީ ޓްރެކްޓް އިންފެކްޝަންސް، ޑައެބެޓީޒް، ހައިޕަރ-ޓެންޝަން، ހައިޕަރ-ކޮލެސްޓްރޮލީމީއާ، އެނީމިއާ، އެންޒައިޓީ އަދި ޑިޕްރެޝަން ފަދަ ބަލިތަކަށް ފަރުވާ ފޯރުކުރުމަށް ގާބިލު ބޭފުޅުކެވެ.
ޓްރީ ޓޮޕް ހޮސްޕިޓަލަކީ ރާއްޖޭގެ ގިނަ ބައެއްގެ އިތުބާރު ހޯދައިފައިވާ، ޒަމާނީ ފެންވަރަށް ސިއްހީ ޚުދުމަތް ފޯރުކޮށްދެމުން އަންނަ އެއް ހޮސްޕިޓަލެވެ. ޓްރީ ޓޮޕް ހޮސްފިޓަލުގެ ފެމިލީ މެޑިކަލް ކްލިނިކްގެ އަމާޒަކީ ފަހުގެ ވަސީލަތްތަކާއެކު އެންމެ ފުރިހަމަ ޚިދުމަތްތައް ފޯރުކޮށްދިނުމަށެވެ.
