ޓްރީޓޮޕް ހޮސްޕިޓަލުން ކޮންމެ އަހަރެއްގެ ނިމޭކޮޅާއި ދިމާކޮށްގެން ކުރިއަށްގެންދާ ހިތާނީ ކޭމްޕް ޑިސެމްބަރ 15 ވަނަ ދުވަހު ފަށާނެއެވެ.

ޓްރީޓޮޕުން ބުނީ އެހެން އަހަރުތަކާ ޚިލާފަށް މިއަހަރު މި ކޭމްޕު ކުރިއަށް ގެންދިއުމަށް ހަމަޖެހިފައި ވަނީ ޑިސެމްބަރ 15ން ޖެނުއަރީ 16 ވަނަ ދުވަހުގެ ނިޔަލަށެށެވެ.

މި ކޭމްޕުގައި ބައިވެރިވާން ބޭނުންވާ ފަރާތްތަކަށް މިހާރު އެފުރުސަތު ހުޅުވާލާފައި ވާއިރު، މި ކޭމްޕު ކުރިއަށް ގެންދަނީ 200ށް ވުރެ ގިނަ ކުދިންގެ ޖާގައާއި އެކުގައެވެ. ޓްރީޓޮޕް ހިތާނީ ކޭމްޕު ޕެކޭޖުގެ އަގަކީ އާސަަންދައަށް ކެނޑުމަށްފަހު 4،000 ރުފިޔާއެވެ. ނަމަވެސް ބާއްވާ ކޮޓަރި އަޕްގްރޭޑް ކުރުމަށް ޕްރައިވެޓް ކޮޓަރިތަކަށް ހާއްސަ އަގުތަކެއް ޓްރީ ޓޮޕުން އެކުލަވާލާފައިވެއެވެ.

މިއަހަރުގެ ކޭމްޕުގައި ހަރަކާތްތެރިވާނީ ޖުމްލަ ހަ ޑޮކްޓަރުންނެވެ. އެއީ އޮޕަރޭޝަނަށް ހާއްސަ ޑޮކްޓަރުން ކަމުގައިވާ ޑރ. ރިޝީ ކަންތު އަރްޔަލް، ޑރ. އައިޝަތު އަޒްނާ، ޑރ. މުހައްމަދު ޝަރީފް އަދި ޑރ. މައުމޫން އާސިމްގެ އިތުރުން ޑރ. ޢަބްދުﷲ އުބައިދެވެ. ކުޑަކަމުދާ ނިޒާމްގެ ޚާއްސަ ޑޮކްޓަރެއްގެ ގޮތުގައި ހަރަކާތްތެރިވާނީ ޑރ. މެހްމެތު އޮޑޯރްއެވެ.

މި ކޭމްޕުގައި ބައިވެރިވުމަށް އެދޭ ފޯމު ޓްރީޓޮޕް ހޮސްޕިޓަލުގެ ވެބްސައިޓުން މިހާރު ފުރޭނެއެވެ. މިކަމާ ގުޅޭ އިތުރު މައުލޫމާތު 3351650 ނަންބަރަށް ގުޅައިގެން ނުވަތަ [email protected] ށް މެއިލް ކޮށްގެން ހޯދޭނެއެވެ.