މިއަހަރުގެ މިސް ޔުނިވާސްއަކަށް ހަރްނާޒް ސަންދޫ

ޖުމްލަ 80 ގައުމެއްގެ ބައިވެރިން ވާދަކުރި މިއަހަރުގެ މިސް ޔުނިވާސްގެ މަގާމު އިންޑިއާގެ އެކްޓްރެސް ހަރްނާޒް ސަންދޫ ކާމިޔާބު ކޮށްފިއެވެ.

އުމުރުން 21 އަހަރުގެ ސަންދޫ، މިސް ޔުނިވާސްގެ ތާޖު ކާމިޔަބު ކުރިއިރު، ފުރަތަމަ ރަނަރ އަޕްގެ މަގާމު ހާސިލުކުރީ ޕެރެގުއާއީގެ ނާދިއާ ފެރިއޭރާއެވެ. ދެވަނަ ރަނަރ އަޕްގެ މަގާމު ކާމިޔާބު ކުރީ ސައުތު އެފްރިކާގެ ލަލޭލާއެވެ.

މިސްޔުނިވާސްގެ ތާޖު ސަންދޫގެ ބޮލުގައި އަޅުވައިދީފައި ވަނީ މިދިޔަ އަހަރު އޮތް މިސް ޔުނިވާސްގެ 70 ވަނަ އެޑިޝަނުގައި މިސް ޔުނިވާސްއަށް ހޮވުނު އިސްރާއީލުގެ އަންޑްރެއާ މީޒާއެވެ.

މިއީ އިންޑިއާއިން މިސް ޔުނިވާސްގެ ތާޖު ކާމިޔާބުކުރި ތިންވަނަ ފަހަރެވެ. އެންމެ ފަހުން އިންޑިއާއިން މިސް ޔުނިވާސްގެ ތާޖު ކާމިޔަބު ކުރީ މީގެ 21 އަހަރު ކުރިންނެވެ. އެފަހަރު މިސް ޔުނިވާސްއަށް ހޮވުނީ ލާރާ ޑަޓާއެވެ. އިންޑިއާއަށް އެންމެ ފުރަތަމަ މިސް ޔުނިވާސްގެ ތާޖު ކާމިޔާބު ކުރެވުނީ 1994 ވަނަ އަހަރުއެވެ. އެފަހަރު މިސް ޔުނިވާސްއަކަށް ހޮވުނީ އިންޑިއާގެ ފިލްމީ ތަރި ސުޝްމީތާ ސެންއެވެ.