އޮސްޓްރޭލިއާގެ ރިޒޯޓް ރަށްތަކަށް އެރި ތޫފާން ކްއީންސްލޭންޑްގެ އައްސޭރިފަށާ ދިމާލަށް ދަތުރު ކުރަން ފަށައިފިއެވެ.

ޑެބީގެ ނަންދީފައިވާ، ކެޓަގަރީ ހަތަރެއްގެ މި ތޫފާނުގައި ގަޑިއަކު 263 ކިލޯމީޓަރު، ނުވަތަ ގަޑިއަކު 163މޭލުގެ ބާރުމިނުގައި ވައިޖެހެމުންދެއެވެ.

ތޫފާނު ކްއީންސްލޭންޑަށް އަރާނެ ކަމަށް ބެލެވިފައި އޮތީ ޖީއެމްޓީ ގަޑިން 4 ޖަހާއިރުއެވެ.

ތޫފާން އެރުމުގެ ކުރިން ރައްކާތެރި ހިސާބުތަކަށް ބަދަލުވުމަށް 25،000 މީހުންނަށްވަނީ އެންގިފައެވެ.

ތޫފާން މިހާރު އަރާފައިވާ ސަރަހައްދުން 23،000 އަށްވުރެ ގިނަގެއިން މިހާރުވެސް ވަނީ ކަރަންޓް ކެނޑިފައެވެ.

އަދި ބައެއް ގެތަށް ހަލާކުވެފައިވާކަމަށް ރިޕޯޓްލިބެއެވެ.

ކަމާބެހޭ އިދާރާތަކުން ބުނާގޮތުގައި މިއީ 2011 ވަނަ އަހަރު އެގައުމަށް އެރި ޔަސީ އަށް ފަހު އެ ގައުމަށް އެރި އެންމެ ބާރުގަދަ ތޫފާނެވެ.