މިސްރުގެ ރައީސް ސީސީ އެމެރިކާއަށް ވަޑައިގަންނަވަނީ
19 މާރިޗު 2017 | އާދީއްތަ 13:10މިއީ 2014 ވަނަ ރައީސްކަމަށް އިންތިޚާބުވެ ވަޑައިގެންނެވި ފަހުން ސީސީ އެމެރިކާއަށް ކުުރައްވާ ފުރަތަމަ ދަތުުރުފު
މިއީ 2014 ވަނަ ރައީސްކަމަށް އިންތިޚާބުވެ ވަޑައިގެންނެވި ފަހުން ސީސީ އެމެރިކާއަށް ކުުރައްވާ ފުރަތަމަ ދަތުުރުފުޅެ
އެމެރިކާގެ ރައީސް ޑޮނަލްޑް ޓްރަމްޕްގެ ދައުވަތަކަށް މިސްރުގެ ރައީސް އަބްދުލް ފައްތާހު އަލް ސީސީ އޭޕްރީލް މަހުގެ ފުރަތަމަ ހަފްތާގައި ވޮޝިންޓަނަށް ވަޑައިގަންނަވާނެ ކަމަށް މިސްރުގެ ދައުލަތުގެ ދުވަހު ނޫހެއް ކަމަށްވާ އަލް އަހުރާމް އިން ބުނެފިއެވެ.
މިއީ 2014 ވަނަ ރައީސްކަމަށް އިންތިޚާބުވެ ވަޑައިގެންނެވި ފަހުން ސީސީ އެމެރިކާއަށް ކުުރައްވާ ފުރަތަމަ ދަތުުރުފުޅެވެ.
ސިސީ އިންތިޚާބުވެފައިވަނީ މުސްލިމް ބްރަދަހުޑްގެ ރައީސް މުހައްމަދު މުރުސީގެ ވެރިކަން މުޒާހަރާތަކަކަށް ފަހު ބަޣާވާތަކުން ބަދަލު ކުރުމަށްފަހު ބޭއްވި އިންތިޚާބުގައެވެ.
ސީސީ އަކީ މުރުސީގެ ވެރިކަމުގައި އަސްކަރިއްޔާގެ ވެރިޔާއެވެ.
ރައީސް ޓްރަމްޕް ސީސީއަށް ދައުވަތު ދެއްވާފައިވަނީ ޖެނުއަރީ މަހުއެވެ. ނަމަވެސް ދަތުރުފުޅުގެ ތާރީޚް އަދި އިއުލާނުކޮށްފައެއް ނުވެއެވެ.
ރައީސް ޓްރަމްޕް މަގާ ހަވާލުވެ ވަޑައިގެންނެވުމަށްފަހު އެންމެ ފުރަތަމަ އެ ގައުމަށް ރަސްމީ ދަތުރު ފުޅެއް ކުރެވީ އިނގިރޭސި ބޮޑުވަޒީރު ތެރީސާ މޭއެވެ.
މޭގެ އެ ދަތުރުފުޅުގައި ޓްރަމްޕް އިނގިރޭސި ވިލާތަށް ދަތުރުފުޅެއް ކުރެއްވުމަށް ދައުވަތު ދެއްވި ނަމަވެސް އިނގިރޭސި ރައްޔަތުން ދެކޮޅު ހަދައި ޓްރަމްޕް އާ ދެކޮޅަށް މުޒާހަރާކުރަމުން ދަނިކޮށް އެ ދަތުރުފުޅު ޓްރަމްޕް ވަނީ ފަސްކުރައްވާފައެވެ.
