ދިއްދޫގައި ބޭއްވުމަށް ހަމަޖެހިފައިވާ "ކަލަރ ރަން" ފަސްކޮށްފި
ކަލަރ ރަން އޮންނާނެ ތާރީޚެއް ފަހުން އިއުލާނު ކުރެވޭނެ
ދިއްދޫގައި ބޭއްވުނު ކަލަރ ރަންއެއް
ހއ. ދިއްދޫގައި ބޭއްވުމަށް ހަމަޖެހިފައިވާ "ކަލަރ ރަން" ފަސްކޮށްފިއެވެ.
ދިއްދޫގައި ބޭއްވުމަށް ހަމަޖެހިފައިވާ ކަލަރ ރަންއަކީ، ބައިނަލްއަގުވާމީ ކުޑަކުދިންގެ ދުވަހާ ގުޅުވައިގެން ކުރިއަށް ގެންދިއުމަށް ހަމަޖެހިފައިވާ ހަރަކާތެކެވެ. މިހަރަކާތް ކުރިއަށް ގެންދަނީ ދިއްދޫ ޕޮލިސްއާއި މިޑްލް ސްޕޯރޓްސް ކްލަބް ގުޅިގެންނެވެ.
މިޑްލް ސްޕޯރޓްސް ކްލަބުން ހާމަކޮށްފައިވާ ގޮތުގައި، މި ހަރަކާތް ފަސްކޮށްފައިވަނީ ދިއްދޫގައި ހަލުވިކަމާއިއެކު ކޮޥިޑް ފެތުރެމުންދާތީއާއި، ގިނަ އަދަދެއްގެ ކުޑަކުދިން ކަރަންޓީންވާން ޖެހިފައިވާތީއެވެ.
ކަލަރ ރަން އޮންނާނެ ތާރީޚެއް ފަހުން އިއުލާނު ކުރެވޭނެ ކަމަށްވެސް އެ ކުލަބުން ހާމަކުރެއެވެ.
ދިއްދޫއިން މިހާތަނަށް 28 މީހުން މި ބައްޔަށް ފައްސިވެފައިވާއިރު، ގިނަ އަދަދެއްގެ ބަޔަކު ވަނީ ކަރަންޓީނު ކުރެވިފައިއެވެ.
