ރާއްޖެ
ދިއްދޫއިން އިތުރު 9 މީހުން ކޮވިޑަށް ފައްސިވުން
ދިއްދޫއިން އިތުރު 9 މީހުން ކޮވިޑަށް ފައްސިވެއްޖެ
މިހާތަނަށް ޖުމްލަ 26 މީހުން ވަނީ މި ބައްޔަށް ފައްސިވެފައި
މަލީހާ ރަޝީދު, ރާއްޖެ އެމްވީ | 18 ނޮވެމްބަރު 2021 | ބުރާސްފަތި 15:50
ހއ. ދިއްދޫ
ހއ. ދިއްދޫއިން އިތުރު 9 މީހަކު ކޮވިޑަށް ފައްސިވެ، ފައްސިވީ މީހުންގެ ޖުމްލަ އަދަދު 26އަށް އަރައިފިއެވެ.
ހއ. އަތޮޅު ހޮސްޕިޓަލުން އާންމު ކުރި މައުލޫމާތުގައި ވާގޮތުން، މިހާތަނަށް 26 މީހުން ވަނީ މި ބައްޔަށް ޕޮޒިޓިވްވެފައެވެ. އޭގެތެރެއިން މިއަދު ޕޮޒިޓިވްވެފައިވާ 9 މީހުންނަކީ 5 ޑައިރެކްޓް ކޮންޓެކްޓުންނާއި ފްލޫ ކުލިނިކަށް ދެއްކި 4 މީހުންނެވެ.
މިހާތަނަށް 271 މީހުންގެ ސާމްޕަލް ނަގާފައިވާއިރު، 10 މީހުންގެ ސާމްޕަލްގެ ނަތީޖާ ނުލިބޭ ކަމަށް އެ ހޮސްޕިޓަލުން މައުލޫމާތުދެއެވެ.
މި އަހަރުގެ މިހާތަނަށް ދިއްދޫ ވަނީ 4 ފަހަރެއްގެ މަތީން މޮނިޓަރިންގއަށް ލާފައެވެ. އަދި ދިއްދޫއިން ފަސް ފަރާތެއްވަނީ މި ބަލިގައި ނިޔާވެފައެވެ.
