ދިއްދޫ ހޭންޑްބޯޅަ މުބާރާތުގެ ޗެމްޕިއަންކަން މިޑްލް ސްޕޯރޓްސް ކުލަބަށް

ދިއްދޫ ކައުންސިލްގެ ރައީސް ޢަބްދުﷲ ރަޝީދު އިންތިޒާމް ކުރެއްވި ހޭންޑް ބޯޅަ މުބާރާތުގެ ޗެމްޕިއަންކަން މިޑްލް ސްޕޯރޓްސް ކުލަބް ހޯދައިފިއެވެ.

ހުކުރި ދުވަހުގެ ރޭ ކުޅުނު ފައިނަލް މެޗުގައި މިޑްލް ސްޕޯރޓްސް ކުލަބް ޗެމްޕިއަންކަން ހޯދީ ޓީމް ހީވެސްނުވޭއާއި ވާދަކޮށް 12-24 ލަނޑުން މޮޅުވެންނެވެ. މި ޓީމަށް ވަނީ ޓުރޮފީގެ އިތުރުން މެޑަލް އާއި 10000 ރުފިޔާގެ ޗެކް ހަވާލުކޮށްފައެވެ. މެޑެއްޔާއި ޓުރޮފީގެ އިތުރުން 10000 ރުފިޔާގެ ޗެކް ހަވާލުކޮށްދެއްވީ ޝަރަފްވެރި މެހެމާން އަދި ދިއްދޫ ކައުންސިލްގެ ރައީސްގެ މާމަ ސަކީނާ އަހުމަދެވެ. މުބާރާތުގެ ރަނަރަޕް ޓީމް "ޓީމް ހީވެސް ނުވޭ" އަށް މެޑެއްޔާއި 2000 ރުފިޔާގެ ޗެކް ހަވާލުކޮށްދެއްވީ ކައުންސިލް ރައީސްގެ މަންމަ ސިމާނާ އަބްދުލް އަޒީޒެވެ.

ފައިނަލް މެޗްގެ އެންމެ މޮޅު ކުޅުންތެރިޔަކަށް ހޮވިފައިވަނީ މިޑްލް ސްޕޯރޓްސް ކުލަބްގެ ޖާޒީ ނަމްބާރ 6 އާއިޝަތު އިބާދާއެވެ. ހޭންޑް ބޯލް މުބާރާތް ނިންމުމުގެ ރަސްމިއްޔާތުގައި  ޗެމްޕިއަން ޓިމާއި ރަނަރަޕް ޓީމްގެ އިތުރުން ފެއާރޕުލޭ ޓީމަށް ވެސް ފައިސާގެ އިނާމާއި ޓްރޮފީ ހަވާލުކޮށްފައިއެވެ. މީގެ އިތުރުން އެކި މަގާމްތަކަށް ހޮވުނު ފަރާތްތަކާއި މުބާރާތުގެ އެންމެ މޮޅު ކުޅުންތެރިޔާގެ އިތުރުން އެންމެ މޮޅު ކޯޗަށްވެސް ވަނީ ޓްރޮފީ ހަވާލު ކޮށްފައެވެ.

މުބާރާތުގެ އެންމެ މޮޅު ހަތް ކުޅުންތެރިންނަށް ޓްރޮފީ ހަވާލުކޮށްފައިވަނި ދިއްދޫ ކައުންސިލްގެ ރައީސްގެ އަނބިކަނބަލުން ފާތިމަތު ނާހިދާއެވެ. ދިއްދޫ ގައި ބޭއްވުނު މި މުބާރާތަކީ ދިއްދޫ ކައުންސިލް ރައީސްގެ ވައުދު ތަކުގެ ތެރެއިން ވައުދެކެވެ. އެގޮތުން ކުރިއަށް އޮތް ފަސްއަހަރު މި މުބާރާތް ބޭއްވުމަށް ނިންމާފައިވާއިރު މިއީ މިގޮތުން ބޭއްވުނު އެންމެ ފުރަތަމަ މުބާރާތެވެ.