ރާއްޖެއަށް މިހާރު ކުރަމުންދާ ވިއްސާރާގައި މޫސުން ގޯސްވުމުގެ ސަބަބުން, ހއ. އަތޮޅުން ފެށިގެން ރ. އަތޮޅާ ހަމައަށް ވައިޓް އެލާރޓް ނެރެފިއެވެ.

މޫސުމާބެހޭ ގައުމީ އިދާރާއިން ވަނީ, މި ސަރަހައްދަށް ބޯކޮށް ވާރޭވެހި ގުގުރާނެ ކަމަށް ލަފާކޮށްފައިއެވެ. މި ސަރަހައްދުތަކަށް ވައިޓް އެލަރޓް ނެރެފައިވަނީ މިއަދުގެ 14:00އިން ފެށިގެން 19:00އާ ހަަމައަށެވެ.

މެޓް އޮފިީހުން މިއަދު ވަނީ ރ. އަތޮޅުން ފެށިގެން ދ. އަތޮޅާއި ހަމައަށް ވެސް ވައިޓް އެލަރޓް ނެރެފައެވެ.

ވައިޓް އެލަރޓް ނެރެފައިވާނަމަ ކަނޑުދަތުރުތައް ފެށުމުގެ ކުރިން މޫސުމާބެހޭ އެންމެ ފަހުގެ މައުލޫމާތު ހޯދުން މުހިއްމެވެ.