އަލިފާނުގެ ޙާދިސާ ހިނގި ފްލޯއަކީ ބިދޭސީންގެ އެކޮމޮޑޭޝަން ބައި، އަލިފާން ނިއްވާލައިފި
17 އޮކްޓޯބަރު 2021 | އާދީއްތަ 07:53ގެއްލުންވެފައިވަނީ 4 ވަނަ ފަންގިފިލާއަށް
ސީގަލް ބިލްޑިިންގައި އަލިފާން ރޯވުން- އަލިފާންގަނޑު މިހާރު ވަނީ ނިވާލާފައި
އަމީނީ މަގު ސީގަލް ބިލްޑިންގގައި ރޯވި އަލިފާންގަނޑު އެމްއެންޑީއެފުން ނިއްވާލައިފިއެވެ.
މި ޙާދިސާ ހިނގާފައިވަނީ އާދިއްތަ ދުވަހުގެ ހެނދުނުގެ ވަގުތެއްގައެވެ. އެގޮތުން ގ. ތުނޑި އިމާރާތުގެ 4 ވަނަ ފަންގިފިލާގައި އަލިފާން ރޯވެފައިވާއިރު، އެމްއެންޑީއެފްގެ ފަޔަރ އެންޑް ރެސްކިއު ޓީމުން ޙަރަކާތްތެރިވެ، އަލިފާންގަނޑު ވަނީ ނިއްވާލާފައެވެ. އެ ފްލޯއަކީ "ސީގަލް ފުޑްސް" ގެ ބިދޭސީންތަކެއް އެކޮމޮޑޭޝަން ގޮތުގައި ބޭނުންކުރާ ފްލޯއެއް ކަމަށް ރާއްޖެއެމްވީއަށް މައުލޫމާތު ލިބެއެވެ.
މައުލޫމާތު ލިބޭ ގޮތުގައި އެ އިމަރާތުގައި އެމީހުންގެ ސާމާނުތައް ރައްކާކޮށްފައި ހުއްޓެވެ. އަދި ޙާދިސާ ހިނގި ވަގުތު އެންމެންވެސް ތިބީ ބޭރުގައި ކަމަށާއި، އެއްވެސް މީހަކަށް އަނިޔާއެއް ވެފައިނުވާކަމަށް މައުލޫމާތު ލިބެއެވެ. އެ އިމާރާތުގައި ދެން ހުންނަނީ ސީގަލްގެ ގުދަންތަކެކެވެ.
މި ޙާދިސާގެ ސަބަބުން ހަމައެކަނި ގެއްލުންވެފައިވަނީ ގ. ތުނޑި 4 ވަނަ ފަންގިފިލާއަށެވެ. އަދި އެ ފަންގިފިލާގެ ކުޑަދޮރުތަކާއި، ބޮޑު ދޮރުގެ އިތުރުން، މަތިވަޑާން ވަނީ ހަލާކުވެފައެވެ. އަދި އޭސީގެ އައުޓްޑޯރ ޔުނިޓުވެސް ވަނީ ހަލާކުވެފައެވެ.
އެ ސަރަޙައްދުގައި އެމްއެންޑީއެފާއި ފުލުހުން ޙަރަކާތްތެރިވެފައިވެއެވެ.
