ކ. މާލެ
|
24 މެއި 2017 | ބުދަ 08:02
ޑރ ޓެޑްރޯސް: ޑަބްލިޔު އެޗް އޯގެ އާ ޑިރެކްޓަރ ޖެނެރަލްއަކަށް ހަމަ ޖައްސައިފި
ޑރ ޓެޑްރޯސް: ޑަބްލިޔު އެޗް އޯގެ އާ ޑިރެކްޓަރ ޖެނެރަލްއަކަށް ހަމަ ޖައްސައިފި
ގޫގުލް
ޑަބްލިޔުއެޗްއޯ
ޑަބްލިޔު އެޗްއޯގެ އާ ޑިރެކްޓަރ ޖެނެރަލްއަކަށް ޑރ ޓެޑްރޯސް ކަނޑައަޅައިފި
 
ފަސްއަހަރުގެ ދައުރު ފެށޭނީ ޖުލައި މަހުގެ 1 ވަނަ ދުވަހުން ފެށިގެން
 
އިތިއޯޕިއާގެ ހެލްތު މިނިސްޓަރ ކަމާއި ފޮރިން މިނިސްޓަރކަން ކުރައްވާފައިވޭ

ދުނިޔޭގެ ސިއްޙަތު ޖަމްއިއްޔާ (ޑަބްލިޔު އެޗްއޯ)ގެ އާ ޑިރެކްޓަރ ޖެނެރަލްއަކަށް ޑރ ޓެޑްރޯސް އަދަނޮމް ގެބްރޭސަސް ހަމަ ޖައްސައިފިއެވެ.

ޑަބްލިޔު އެޗްއޯގެ މެންބަރު ޤައުމުތަކުން މިގޮތަށް ކަނޑައެޅިއިރު އޭނާގެ ނަން ހުށަހެޅީ އިތިއޯޕިއާ ސަރުކާރުންނެވެ. ޑރ ޓެޑްރޯސްގެ 5 އަހަރުގެ ދައުރު ފެށޭނީ މިއަހަރުގެ ޖުލައި މަހުގެ 1 ވަނަ ދުވަހުން ފެށިގެންނެވެ.

ޑރ ޓެޑްރޯސް ވަނީ 2012 އިން 2016 އަށް އިތިއޯޕިއާގެ ފޮރިން މިނިސްޓަރކަން އަދި  2005 އިން 2012 އަށް އެޤައުމުގެ ހެލްތް މިނިސްޓަރކަން ކުރައްވާފައެވެ. މީގެ އިތުރުން އޭނާ ވަނީ އެއިޑްސްއާއި ޓީބީ އަދި މެލޭރިއާ  ދެކޮޅަށް މަސައްކަތް ކުރާ ގްލޯބަލް ފަންޑުގެ ބޯޑްގެ ޗެއަރމަން ކަމާއި ރޮލް ބެކް މެލޭރިއާ (އާރބީއެމް) ޕާޓްނަރޝިޕް ބޯޑުގެ ޗެއަރމަން ކަމުގެ އިތުރުން މާބަނޑު މީހުންނާއި އަލަށް އުފަންވާ ކުދިންނާ ކުޑަކުދިންގެ ސިއްހަތައް މަސައްކަތް ކުރާ ޕާޓްނަޝިޕް ބޯޑުގެ ކޯ ޗެއަރކަންވެސް ކުރައްވާފައެވެ.

އޭނާގެ ހެލްތު މިނިސްޓަރ ކަމުގެ ދަށުން އެޤައުމުގެ ސިއްޙީ ނިޒާމަށް ވަނީ ފާހަގަ ކޮށްލެވޭވަރުގެ ބޮޑެތި ކުރިއެރުންތަކެއް ގެނައުމަށް މަސައްކަތް ކުރައްވާފައެވެ. އެގޮތުން އެޤައުމުގެ ސިއްހަތާ ބެހޭ އިންފްރާސްޓްރަކްޗަރ ޤާއިމް ކުރުމަށް ކުރާ ހޭދަ ބޮޑު ކުރުމާއި 3500 ސިއްހީ މަރުކަޒު ޤާއިމް ކުރުމާއި 16000 ހެލްތު ޕޯސްޓް ޤާއިމް ކުރެއްވިއެވެ. އަދި ސިއްޙީ ދާއިރާގައި މަސައްކަތް ކުރާ މީހުންގެ އަދަދު 38000 އަށް އިތުރުކުރުމާއި އެޤައުމުގެ ހެލްތު އިންޝުއަރެންސް ކަވަރޭޖް އިތުރަށް ފުޅާކުރުން ފާހަގަ ކޮށްލެވެއެވެ.

ފޮރިން މިނިސްޓަރ ކަމުގައި ކުރެއްވި ކަންތައްތަކުގެ ތެރެއިން 193 ގައުމަކުން ދެމެހެއްޓެނިވި ތަރައްޤީގެ ލަނޑުދަނޑިއެއް ހާސިލް ކުރުމަށް ފައިސާ ހޭދަކުރުން މުހިއްމު ކަމުގެ މައްޗަށް މަސައްކަތް ކުރުމަށް ނިންމި ނިންމުން ކަމުގައިވާ އެޑިސް އަބާބާ އެކްޝަން އެޖެންޑާ  ކާމިޔާބު ކުރުމުގެ މަޝްވަރާތައް ބޭއްވުމުގައި ވަރަށް ހިތްވަރުގަދަ ދައުރެއް އަދާކުރެއްވުން ފާހަގަ ކޮށްލެވެއެވެ.

ގްލޯބަލް ފަންޑް އެންޑް އާރބީއެމްގެ ޗެއަރގެ ހައިސިއްޔަތުން އޭނާ ވަނީ ދެ ޖަމްއިއްޔާއަށް އެންމެގިނަ ފައިސާ ހޯދައިދިން މީހާއަށް ވުމުގެ އިތުރުން އެފްރިކާގެ ޤައުމުތަކުގެ އިތުރުން އޭޝިޢާއާއި ލެޓިން އެމެރިކާއާ ހަމައަށް ގްލޯބަލް މެލޭރިއާ އެކްޝަން ޕްލޭން ފުޅާކޮށްފައެވެ.

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް
ގުޅުންހުރި
މިމައްސަރަކީ މުޅި އުމުރުގައި ކޮށްފައިވާ ފާފައިން ތާހިރުވުމަށް ލިބޭ ފުރުސަތެއް، ރޭއަޅުކަންކުރުން އިތުރުކުރޭ: ޚުތުބާ
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ