ސީރިޔާގެ ހޮމްސް ސަރުކާރު ސިފައިންގެ ކޮންޓްރޯލްގެ އަތްދަށަށް ގެނެސްފި
ސީރިޔާގެ ރައީސް ބައްޝާރްގެ ސަރުކާރަށް ދަނީ ސީރިޔާގެ އެކި ސަރަހައްދުތަކުގައި ބޮޑެތި ޖަރީމާ ހިންގި ކަމުގެ ތުހުމަތު ކުރެވެމުން
ހޮމްސްވެފައި ވަނީ ސީރިޔާ ހަނގުރާމައިގައި، ވަރުގަދަޔަށް ހަމަލާ ބަދަލު ކުރެވުނު ތަަނަކަށް
ސީރިޔާގެ ހޮމްސް ސިޓީގެ ކޮންޓްރޯލް ސީރިޔާ ސަރުކާރު ސިފައިން ހޯދައިފައިވާ ކަމަށް ސަރުކާރުން ބުނެފިއެވެ.
ރިޕޯޓުތައް ބުނާގޮތުން ސަރުކާރު ސިފައިން ހޮމްސްގެ އަލް- ވައިރް ޑިސްޓްރިކްޓް އެމީހުންގެ އަތް ދަށަށް ގެނައުމުން, ހޮމްސް ސަރުކާރު ސިފައިންގެ އަތްދަށަަށް އައީއެވެ.
ހޮމްސްގެ އަލް-ވައިރް ޑިސްޓްރިކްޓް އިން، 700 ވަރަކަށް ހަނގުރާމަވެރިންނާއި އަދި އެމީހުންގެ އާއިލާތައް ދޫކޮށް ގޮސްފައިވާ ކަމަށް ރިޕޯޓުތައް ބުނެއެވެ. މުޅިއެކު ގާތްގަނޑަކަަށް 3000 މީހުން ހޮމްސްގެ އަލް-ވައިރް ޑިސްޓްރިކްޓް ދޫކޮށް ގޮސްފައިިވާ ކަމަށް ރިޕޯޓުތައް ބުނެއެވެ.
ހޮމްސްގެ އިސް އޮފިޝަލުންނާއި ހަވާލާދީ ރިޕޯޓުތައް ބުނާގޮތުން ހޮމްސް މިހާރު "ވަނީ ހަނގުރާމަވެރިނާއި އަދި ހަތިޔާރުތަކުން ސަލާމަތްވެފައެވެ."
ހޮމްސް ވެފައި ވަނީ ސީރިޔާގެ ހަނގުރާމައިގައި، ވަރުގަދައަށް ހަމަލާ ބަދަލު ކުރެވެމުންދާ ތަަނަކަށެވެ. 2011 ވަނަ އަހަރު ބާއްޝާރް އަލް-އަސަދު އިސްތއުފާ ދެއްވުމަށް ގޮވާލާ ގިނަ ބަޔަކު މުޒާހަރާ ކުރަން ފެށިއެވެ. އަދި 2012 ވަނަ އަހަަރު ސަރުކާރުގެ ގިނަ ސިފައިން ހޮމްސް އިން، ހަނގުރާމަވެރިން ފައްސާލިއެވެ.
