ސީރިޔާގެ ހަނގުރާމައިގައި ޔަތީމުވެފައިވާ 100 ކުއްޖަަކަށް ހިމާޔަތް ދިނުމަށް އިޒްރޭލުން ނިންމައިފިއެވެ.

މިއީ މިފަދަ ކަމަކަށް އިޒްރޭލުން ހުއްދަ ދިން ފުރަަތަމަ ފަހަރުކަމަށްވާއިރު ހިމާޔަތް ދިން 100 ކުދިންނަަަށް ފުރަތަމަ ދެވޭނީ ވަގުތީ ގޮތުން 4 އަހަރުގެ ރަށްވެހި ކަމެވެ. އެހެން ނަަމަވެސް އެ ހަތަރު އަހަރު ފަހުން ދާއިމަށް ތިބުމުގެ ހުއްދަ ލިބިގެން ދާނެއެވެ.

އިޒްރޭލުގެ ޗެނަލް 10 ޓީވީން ބުނީ އިޒްރޭލަށް ގެނެވޭ 100 ޔަތީމުކުދިންގެ ތެރެއިން ގިނަ ކުދިން އެޑޮޕްޓް ކުރުމުގެ ފުރުސަތު ދެވޭނީ އިޒްރޭލުގެ އަރަބީންނަށް ކަމަށެވެ. އިޒްރޭލުގެ މުޅި އާބާދީގެ 17.5 ޕަސެންޓަކީ އަރަބި ދަރިކޮޅުގެ ފަލަސްތީނު މީހުންނެވެ. މީގެ އިތުރުން އިޒްރޭލުގެ ޗެނަލް 10 ޓީވީން ބުނީ އޒްރޭލަށް ގެނެވޭ ޔަތީމު ކުދިންގެ އެއްބަނޑު އެއްބަފާ ބޭބެމެންނާއި، ދައްތަމެންފަދަ އާއިލާގެ މެމްބަރުންނަށް އިޒްރޭލުން، ފަހުން ރެފިއުޖީންގެ ދަރަޖަދީ އިޒްރޭލަށް އައުމުގެ ފުރުސަތު ފުރުސަތު ލިބިގެން ދާނެ ކަމަށެވެ.

ރިޕޯޓުތައް ބުނާގޮތުން އިޒްރޭލަށް ގެނެވޭ 100 ޔަތީމު ކުދިންގެ ކަންކަން އިންތިޒާމު ކުރެވޭނީ ސީރިޔާގައި ހަރަކާތްތެރިވާ ބައިނަލްއަގްވާމީ ޖަމާއަތްތަކާއި އިޒްރޭލު ސަރުކާރު ގުޅިގެންނެވެ.