319،080 މީހުން ވެކްސިން ފުރިހަމަ ކޮށްފި
ހޮނިހިރު ދުވަހު 4،051 މީހުން ވެކްސިން ފުރިހަމަ ކޮށްފައިވޭ
ވެކްސިން ޖެހުމުގެ ގައުމީ ކެމްޕޭންގެ ތެރެއިން ޓްރީ ޓޮޕް ހޮސްޕިޓަލުގައި ވެކްސިން ދިނުމުގެ މަސައްކަތް ކުރިއަށް ދަނީ
ރާއްޖޭގައި 319،080 މީހުން ވެކްސިން ފުރިހަމަ ކޮށްފިއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނީ ހޮނިހިރު ދުވަހު 4،051 ވެކްސިން ފުރިހަމަ ކޮށްފައިވާ ކަމަށެވެ. އެއީ މާލެ ސަރަހައްދުން 2،372 މީހުންނާއި، އަތޮޅުތެރޭގެ ރަށްރަށުން 1،679 މީހުންނެވެ. އެއާއެކު ޖުމްލަ 319،080 މީހުން ވެކްސިން ފުރިހަމަ ކޮށްފައިވާ ކަމަށް އެޗްޕީއޭއިން ބުނެއެވެ.
އެޗްޕީއޭއިން ބުނީ ފުރަތަމަ ޑޯޒު ޖަހާފައިވަނީ 477 މީހުން ކަމަށެވެ. އެއީ މާލެ ސަރަހައްދުން 185 މީހުންނާއި އަތޮޅުތެރޭގެ ރަށްރަށުން 292 މީހުންނެވެ. އެއާއެކު 388،776 ފުރިހަމަ ކޮށްފައިވާ އެޗްޕީއޭއިން ބުނެއެވެ.
ވެކްސިން ނުޖަހާ މީހުން ވީހާވެސް އަވަހަކަށް ވެކްސިން ފުރިހަމަކުރުމަށް ކަމާބެހޭ ފަރާތްތަކުން ދަނީ އިލްތިމާސްކުރަމުންނެވެ. އެގޮތުން އާބާދީގެ ގިނަ ބަޔަކު ވެކްސިންޖަހައި ނިންމުމަށް ބާރު އެޅުމުގެ ގޮތުން ސަރުކާރުން މިހާރު ވެކްސިނޭޝަން ޕްރޮގްރާމެއް ކުރިއަށްގެންދެއެވެ.
