ފާއިތުވި 24 ގަޑިއިރުތެރޭ ކޮވިޑް-19ށް ޕޮޒިޓިވްވެފައިވަނީ 100 މީހުން ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނެފިއެވެ.

އެޗްޕީއޭއިން ހާމަކޮށްފައިވާ އެންމެ ފަހުގެ ތަފާސްހިސާބުތައް ދައްކާގޮތުން ފާއިތުވި 24 ގަޑިއިރު 5318 ސާމްޕަލެއް ވަނީ ޓެސްޓްކޮށްފައެވެ. އޭގެތެރެއިން 100 ސާމްޕަލް ޕޮޒިޓިވްވެފައިވާއިރު މާލެ ސަރަހައްދުން ޕޮޒިޓިވްވެފައިވަނީ 40 މީހުންނެވެ. އަތޮޅުތަކުން 50 މީހުން ޕޮޒިޓިވްވެފައިވާއިރު ހިންގަމުންދާ ރިސޯޓްތަކުން 9 މީހަކު ވަނީ ކޮވިޑަށް ޕޮޒިޓިވްވެފައެވެ. އަދި ލިވްއެބޯޑްތަކުން އެކަކު ވަނީ ޕޮޒިޓިވްވެފައެވެ.

މިއާއެކު މުޅި ޖުމްލަ ކޮވިޑަށް ޕޮޒިޓިވްވި މީހުންގެ އަދަދު ވަނީ 82،364ށް އަރާފައެވެ. މިވަގުތު އެކްޓިވް ކޭހުގެ ގޮތުގައި ގުނަމުންދަނީ 2120 ކޭހެކެވެ. މީގެތެރެއިން ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުން އަންނަނީ 17 މީހުންނަށެވެ.

ރާއްޖެއިން މިހާތަނަށް 227 މީހުން ވަނީ މިބަލީގައި ނިޔާވެފައެވެ.

އޮގަސްޓް މަހުގެ 30ގެ ފަހުން ރާއްޖޭގައި ކޮވިޑަށް ޕޮޒިޓިވްވީ މީހުންގެ އަދަދު 150ން އައީ ރިޕޯޓްކުރަމުންނެވެ. އޭގެފަހުން ސެޕްޓެމްބަރ މަހުގެ 6 ވަނަ ދުވަހު އެއަދަދު ވަނީ 150ން ދަށްވެފައެވެ. އޮގަސްޓް މަހުގެ 30ގެ ފަހުން ކޮވިޑްގެ އަދަދުތައް 100ށް ދަށަށް ދިޔަ މިއީ ފުރަތަމަ ފަހަރުވެސްމެއެވެ.