ހައްޖަށް ގެންދިއުމަށް ރާއްޖެއަށް އިތުރު 1000 ކޯޓާ ލިބިއްޖއެވެ. 1000 ކޯޓާ ލިބިފައިވާކަން ސައުދި ސަރުކާރުން ވަނީ ދިވެހި ސަރުކާރަށް އަންގައިފަ އެވެ.
ހައްޖަށް ގެންދިއުމަށް ރާއްޖެއަށް އިތުރު 1000 ކޯޓަ ލިބިފައިވާއިރު، އެ ކޯޓާއާއި މެދު އަމަލުކުރާނެ ގޮތެއް މިހާތަނަށް އިސްލާމިކް މިނިސްޓްރީން ހާމަކޮށްފައެއް ނުވެއެވެ. އެނގިފައިވާގޮތުގައި އޭގެތެރެއިން ބޮޑު ބައެއް ދިނުމަށް ހަމަޖެހިފަިއ ވަނީ ސަރުކާރުގެ ހައްޖު ކުންފުނި ހައްޖު ކޯޕަރޭޝަނަށެވެ.
މިއަހަރު އެންމެ ފުރަތަމަ ހައްޖަށް ގެންދިއުމަށް ރާއްޖެއަށް ލިބުނު ކޯޓާގެ ތެރެއިން އެންމެ ބޮޑު ބައެއް ވެސް ދީފައިވަނީ ހައްޖު ކޯޕަރޭޝަނަށެވެ. އޭގެއިތުރުން އަލްހަރަމައިން ހައްޖު އެންޑް އުމްރާ ކޮމްޕެނީ މޯލްޑިވްސް ޕްރައިވެޓް ލިމިޓެޑް އާއި ސިސިލްފަރު ހައްޖު އެންޑް އުމްރާ ގްރޫޕް ޕްރައިވެޓް ލިމިޓެޑް އަދި ޒައީ ގްރޫޕް ޕްރައިވެޓް ލިމިޓެޑަށްވެސްދީފައިވެއެވެ.
އިތުރު 1000 ހައްޖު ކޯޓާ ލިބުނުއިރު، ހައްޖު ދުވަސް އަންނަން އޮތީ އެންމެ 10 ދުވަހެވެ.