ސިޓީ އާއި ޕީއެސްޖީ އެއް ގްރޫޕަކަށް
26 އޯގަސްޓު 2021 | ބުރާސްފަތި 17:56ޗެލްސީ އާއި ޔުވެންޓަސް ހިމެނުނީ އެއް ގްރޫޕެއްގައި
މިދިޔަ ސީޒަނުގެ ޗެމްޕިއަންސް ލީގުގައި ސިޓީ އާއި ޕީއެސްޖީ ބައްދަލުކުރި މެޗުގެ ތެރެއިން
މި ސީޒަނުގެ ޔުއެފާ ޗެމްޕިއަންސް ލީގުގެ އެއް ގްރޫޕެއްގައި މެންޗެސްޓާ ސިޓީ އާއި ޕީއެސްޖީ ހިމެނިއްޖެއެވެ.
ޗެމްޕިއަންސް ލީގުގެ ގުރު ނެގުން ކުރިއަށްދިޔައީ ބުރާސްފަތި ދުވަހުގެރޭ ތުރުކީގެ ސިޓީއެއް ކަމަށްވާ އިސްތަންބޫލުގައެވެ. މި ސީޒަނުގެ ޗެމްޕިއަންސް ލީގުގެ ގްރޫޕް ޖީގައި ސިޓީ އާއި ޕީއެސްޖީ ހިމެނުމުން، ދާދި ފަހުން ޕީއެސްޖީއާ ގުޅުނު އާޖެންޓީނާގެ ތަރި ލިއޮނެލް މެސީ ނުކުންނަން ޖެހޭނީ އޭނާއަށް ބާސެލޯނާގައި އިރުޝާދުދިން ޕެޕް ގާޑިއޯލާގެ ސިޓީއާ ދެކޮޅަށެވެ.
މި ފަހަރުގެ ގްރޫޕް ސްޓޭޖުގައި ސިޓީ އާއި ޕީއެސްޖީ ބައްދަލުކުރާއިރު، މިދިޔަ ސީޒަނުގެ ސެމީ ފައިނަލުގައިވެސް މި ދެ ޓީމު ވަނީ ބައްދަލުކޮށްފައެވެ. އެ ފަހަރު ކުޅުނު ދެ މެޗުންވެސް މޮޅުވީ ސިޓީއެވެ.
މީގެ އިތުރުން މި މުބާރާތުގެ އެންމެ ފަހުގެ ޗެމްޕިއަނުން ކަމަށްވާ ޗެލްސީން ގްރޫޕް ސްޓޭޖުގައި ވާދަކުރަން ޖެހޭނީ ވަރުގަދަ ޔުވެންޓަސް އާއި، ޒެނިތު އަދި މަލްމޯއާއެވެ. އަދި މި ފަހަރުގެ ގްރޫޕް ސްޓޭޖުގައި ލިވަޕޫލް ހިމެނެނީ ވަރުގަދަ ގްރޫޕެއްގައެވެ. އެ ގްރޫޕުގައި ދެން ހިމެނެނީ އެތުލެޓިކޯ މެޑްރިޑާއި، ޕޯޓޯ އަދި އޭސީ މިލާނެވެ.
ގްރޫޕް އޭ: މެންޗެސްޓާ ސިޓީ, ޕީއެސްޖީ, ލައިޕްޒީގް, ކުލަބު ބްރޫޖް
ގްރޫޕް ބީ: އެތުލެޓިކޯ މެޑްރިޑް, ލިވަޕޫލް, ޕޯޓޯ، އޭސީ މިލާން
ގްރޫޕް ސީ: ސްޕޯޓިން ލިޒްބަން, ބޮރޫޝިއާ ޑޯޓްމުންޑް, އަޔަކްސް, ބެސިކްޓަސް
ގްރޫޕް ޑީ: އިންޓަ މިލާން, ރެއާލް މެޑްރިޑް, ޝަޚްތާރު ޑޮނިއެސްކް, ޝެރިފް
ގްރޫޕް އީ: ބަޔާން މިއުނިކް, ބާސެލޯނާ, ބެންފީކާ, ޑީނަމޯ ކިއެވް
ގްރޫޕް އެފް: ވިޔަރެއާލް, މެންޗެސްޓާ ޔުނައިޓެޑް, އެޓަލާންޓާ, ޔަންގް ބޯއިޒް
ގްރޫޕް ޖީ: ލިލް, ސެވިއްޔާ, ސާލްޒްބާގް, ވޮލްފްސްބާގް
ގްރޫޕް އެޗް: ޗެލްސީ, ޔުވެންޓަސް, ޒެނިތު, މަލްމޯ
ޗެމްޕިއަންސް ލީގުގެ ގްރޫޕް ސްޓޭޖް މެޗުތައް އަންނަ ސެޕްޓެމްބަރު މަހު ފަށާއިރު، ފައިނަލް މެޗު ކުޅޭނީ އަންނަ އަހަރުގެ މެއި މަހުގެ 28 ވަނަ ދުވަހު ރަޝިއާގެ ސެއިންޓް ޕީޓަސްބާގް ސްޓޭޑިއަމުގައެވެ.
